–¡Quita eso pallá, no me fastidies!
–¿Por?
–Home, Tino, que llevo viniendo tola vida. ¡Llama a Jose, anda, que eche un culín!
–Jose jubilose.
–¿Y Cholo?
–Tamién. Toi en cuadru.
–Meca, pero Cholín taba fechu un chaval, nun yera tan mayor.
–Home, no. Cuando s’inventó la luz, él ya debía tres recibos.
–¿Nun hai naide equí que sepa echar un culín en condiciones, ho?
–Esti bichu ye bárbaru, Quilino. ¡Va prestate!
–Sí, ho. Lo que me faltaba. La sidra, Tino, hai que trabayala.
–Tamos nello, Quilino.
–Queréis que sía Patrimoniu de la Humanidá y andáis con estos chismes.
–Nun me digas nada. Toi tratando de reforzar la plantiya para’l branu y tengo unos problemes…
–¿Por?
–Punxi un cartel: “Falta personal” y ponse unu: Que la tire LeBron James.
–¿Que ye, que nun quieren trabayar?
–No, bueno, ye…
–¡A ver si va ser que nun pagues bien!
–¿Yo? ¿Pero si tamos la mayoría de les sidreríes igual?
–¿Sin soltar la mosca?
–No, que nun atopamos camareros que, amás, sepan echar bien un culín.
–Un buen escanciador hai que pagalu, Tinín.
–Nadie quier escanciar. 1.800 escanciadores faen falta, Quilino.
–¿Quién lo dijo?
–¡Salió en prensa y la de mi madre!
–¡Meee! Pijaes. Digote yo que si pagues bien…
–Ofrecílo al mi sobrín, pero ye más vagu que la mandíbula d’arriba.
–¿Pero nun taba estudiando hostelería?
–Sí, pero ellí nun-yos enseñen eso.
–¡Coime, pues enséñalu tú!
–Intentelo, nun creas que no.
–Con unes botellines d’agua na bañera…
–Eso fice, pero púnxose más tirante que’l fontaneru del Titanic.
–Bueno, pues yo esti chisme nun lu quiero.
–¿Qué más te da?
–¡Cagonrós, Tino, ye una seña de identidá! Yo nun vuelvo más.
–Tan cambiando los tiempos.
-Y los sueldos, ¿oíste? ¡A ver si lo pilles!
–Ahora ye too tecnológico, Quilino. Hai que mentalizase.
–Sí, ho. Culinos eléctricos, sexo frío… ¿Qué será lo próximo, chipirones caramelizaos?
–Téngolos, pero fuera de carta.
–¡Mecanrós, acabáis con unu!
–Esti bichu ye mundial. Nun salpica, vas a tu aire, tien batería asgaya…
–Como rompe la sidra escanciándola a mano, nun hai comparanza… ¡Hai que ser paisano, Tino!
–Qué tendrá que ver. Culín más o culín menos…
–Más culín. Paisano, Tino. ¡Más culín! O quites eso o marcho d’equí.
www.parandoenvillalpando.com
