Suscríbete

La Nueva España

Contenido exclusivo para suscriptores digitales

Maxi Rodriguez

Parando en Villalpando

Maxi Rodríguez

Lost en La Bañeza

Media Asturias haciendo las maletas

Lost en La Bañeza Pablo García

–¿Da-y una vuelta?

–Sí, Asun, no sé, viajar con otra mentalidá...

–¿Pero qué me tas contando, Luis Fernando?

–Nada, eso, que lo mismo qu’abrimos la maleta podemos abrir la pareja.

–¿Eh?

–Llega’l veranín, Asun, vamos pa La Bañeza...

–¿Y?

–Nun sé, vida, polo que pueda pasar.

–¿Pasar de qué, ho?

–Que son munchos díes, eh. Que depués tiramos pa Sahagún, Astorga, Villamanín, Villamañán...

–¿Metisti’l neceser?

–Nun me cambies de conversación, eh. Esto hai qu’hablalo.

–¿El qué, ho?

–Tú mira Shakira y Piqué... Yo prefiero decítelo de mano.

–¿El qué, Luis Fernando?

–Nun podemos siguir asina, Asun. Tantos años viviendo un amor esclusivu, monógamu y...

–¿Entós?

–Hai qu’evolucionar un poco, Asunción, el veranín, la libido, el calorón...

–¿Yá tamos col mismu rollu de tolos años?

–Bah.

–¿Alguna vez tuvimos alguna aventura, algún problema, algún rollu, cuernos, nun sé, alguna vez tentáronnos o nos pasó algo?

–Non, pero hai qu’hablalo. A lo mejor esti añu...

–¿Qué, ho?

–¿Quién te diz a ti que toi yo solu na piscina y nun me surge sexu esporádicu?

–Sí, ho...

–Yo lo que quiero ye tenelo claro, ¿oíste? Que n’habiendo terceres persones...

–Pero si pases casi dos meses durmiendo y bebiendo cerveza.

–Yá, pero esti añu.....

–¿Qué, ho?

–Voi sacar tiempu pa explorar tolos recovecos del to cuerpu.

–¡Meee, depués de trenta años! ¿Qué ye, que nun te vagó?

–Bah, un día por otru...

–Llegues a La Bañeza, pones pantalón cortu y tienes menos morbu qu’un bizcu hinchando un globu.

–Bueno, oye. ¿Podemos acostanos con otra gente pero sin lazos afectivos?

–¿Que qué, ho?

–Hai qu’hablalo, Asun: un poco de swinger, un pactu de fluidos...

–¡Tas tu guapu! ¡¡¡Yes supercelosu!!!

–Yá, pero...

–En cuanto pongo’l pareo y ves cómo me miren los otros póneste tan nerviosu...

–Sí, pero esti añu tengo muncha compersión.

–¿Comper qué, ho?

–Yo, si te sal cualquier cosa, empatizo contigo, Asun. El tema ye hablalo.

–¿Pero qué me va salir, Luisfer? ¡Si toi contigo, toi contigo!

–Ya, pero esti añu ta too tan raro...

–¡La madre que te parió, tanto ver Tele5 te va petar la cabeza!

–Lo mesmo qu’abrimos la maleta...

–Sí, ho. ¡Tas tu guapu p’abrir la pareja!

–Que sía lo que Dios quiera... Lost en La Bañeza.

www.parandoenvillalpando.com

Compartir el artículo

stats