–Lolo.
–...
–¡Lolo!
–¿Eh?
–¿Dormístete, ho?
–Puf. Tardes cuatro hores en salir del bañu...
–Yá. Y dos hores en char a los guajes, depués de tol día trabayando. Toi agotá.
–Pues yo nin te cuento.
–Entós esta noche tampoco, ¿no?
–¿Eh? Zzz… A ver mañana, si eso.
–¿Cuántos meses llevamos así, Lolín?
–¿Qué di...? Zzzzz Zzzzz...
–¡¡¡Lolooo!!!
–¿Qué, ho?
–Y depués dicen que sexualmente ye más escitante cuando yes soltera.
–Na. Eso ye que nun probaron a facer l’amor con tres fíos na mesma casa.
–Dígotelo yo. ¡Lolooo!
–¿Qué, ho?
–Desde que nos casamos yá nun hai pasión.
–Normal. De repente tópeste na cama con un pariente...
–¡Ay! ¿Qué ruidu ye esi?
–Va ser Yonatan. Uf. Ye más difícil follar equí que pellizcar un vidriu.
–¡Calla a ver! ¡Chisst!
–¿Qué ye?
–Pamique levantóse el medianu, andará pel pasillu…
–¡La madre que los parió! ¡Hai que mandalos de campamento! ¡A los tres!
–Home, claro, a ver si así podemos atopar tiempu de calidá.
–¿Calidá pa qué?
–¡Pa intimar, Lolo, pa intimar!
–Meeeee… Díjetelo yo. Cuando los fíos entren pela puerta la vida sexual salta pela ventana. ¿Díjetelo o non?
–Anda, calla. Toi muerta sueñu.
–Pues anda que yo... Zzzz...
–Nunca cuadra. Nunca.
–Ayer faltonos un pelín, muyer, si nun se llega a poner malu el pequeñu...
–¡¡¿Pero tan difícil ye atopar el momentu perfectu pa tener un encuentru sexual feliz con la pareja?!!
–¿Eh? Zzzz... Zzzz...
–¡¡¡Lolo!! ¿Tan difícil ye?
–Chate, ho.
–Toi tan cansá que solo quiero dir a dormir a ver si en sueños me faes algo.
–¡Cagondiez, menudu estrés! Casi nun tenemos espaciu ni tiempu pa charrar.
–Oye, yo mandote besos por WhatsApp.
–¡Vete a mirar, anda, que debieron levantase! ¿Nun oyes ruidu?
–La culpa nun ye de los guajes, Lolo, ye nuestra, que nun entamamos.
–¡Chissst! Mañana lo hablamos.
–¡Toos pal campamento, tú déjalo de mi mano!
–Zzzz … Zzzzz.
–¡Ay, Lolo, benditu campamento de verano!
www.parandoenvillalpando.com
