–Taba visto.
–¿El qué, ho?
–Aquí hai mucha ansiedá, Chema, muchu bloqueo emocional…
–Pero si yeran toos de fuera.
–Ye igual, esti pueblu tien imán. Bueno, Asturies en general.
–¿Por?
–Con tantu problema de movilidá lo normal ye apuntase al viaje sensorial.
–Yá, ho, pero la ayahuasca…
–Eso ye como un AVE cerebral, abre la mente. A ti nun te vendría mal.
–¿Por?
–Porque yes más cerrau qu’un bancu de tarde.
–Uf. Qué va, qué va, buena gana tengo yo de colocame.
–Non ye pa colocate, Chema, ye pa recolocate, ojo, ye un rollu emocional.
–¿Pero Servando, qué me tás contando?
–Yo ya y-lo dije a la mi muyer. Vamos dejanos de geranios y centranos en plantas selváticas…
–Calla, ho.
–¿Nun ves cómo tan les cuenques? Si hasta’l chigre ye una selva.
–Calla, ho.
–El tema ye pasar de la tonada a los cantos indígenas y ponese a escanciar pero con un enfoque existencial…
–¿Cómo ye, ho? ¡Cagonmimacho, paeces un chamán!
–Non, Chema, nun soi un chamán, pero a mí preocúpame lo espiritual. Y a ti veníate vien un retiru.
–Selo yo, Servando. Pero nun me jubilen ni pa Dios.
–Un retiru espiritual, oveya, pa limpiar el alma, pa reflexionar. Que tas más abandonau que la residencia de Perlora.
–Yá. Pero, qué quiés que te diga, a mí los psicotrópicos…
–¿Y entós l’alcohol? ¿Y la cafeína? ¿Y la nicotina? ¿Y les pastilles de..?
–Yá, ho, pero beber un vasu de ayahuasca ye como bebete a ti mismu. Y yo toi empezando a dejalo, que ya anduvi muncho de Gestalt…
–Sí. Por ahí dando tumbos a les tres de la mañana…
–De fiesta no, coño, ¡de Gestalt! Nun te hablo de tomar cacharros, háblote de la toma de conciencia…
–¡Ahí, ahí quería llegar yo! Un actu de "concienciación planetaria" ye normal que vinieren facelo aquí.
–¿Por?
–¡Coime! N’Asturies nun podemos vivir sin tener visiones.
–¿Cómo ye, ho?
–En política, en economía, en transportes… Hasta nel fútbol.
–¿Nel fútbol?
–Sí, ho. Unos cierren los güeyos pa facer el campu Mundial; y otros tienen que mirar el prau con gafes de colores.
–¡Oye, nun te metas coles gafes de Bolo!
–Eses gafes alteran la percepción fijo, eso tien que ser el metaverso del balompié.
–Tamos guapos. Mira que ye grande’l mundu, eh.
–Aquí hai mucha ansiedá, Chema, muchu bloqueo emocional…
–Tu dedícate a poner vinos, anda, que se te tá poniendo cara de chamán.
www.parandoenvillalpando.com
