Antroxu sostenible

–Hola, guapetón. Gústame’l to perfume.

–¿El qué, ho?

–Güeles al amor de la mio vida.

–¿Quién yes? No flipes.

–¿Por?

–¡Buo! A estes altures…

–Yo nun cumplo años, yo cumplo antroxos.

–Toi cansáu.

–Nun m’estraña, lleves tola nueche dando vueltes na mio cabeza.

–¿Cómo ye, ho?

–¡Eso digo yo! ¿Qué fai un mozu como tu nuna mente tan puerca como la mía?

–¡Meeeeee! Tas guapa.

–Gracies, cielu. El tren de la vida non espera, ¿subes o te quedas?

–Non te entiendo.

–Tú mui listu nun yes, ¿eh?

–La inteligencia me persigue, pero yo soi más rápidu.

–¿Y nun te disfraces?

–¿Más?

–¿Quies una careta?

–Déjame de caretes, eh. ¡Yá nun puedo más!

–¿Por?

–Quirúrxiques, estampaes, FFP2, desechables, con válvula, ensin filtru, con suxeción, ensin suxeción…

–Pero…

–...Nel codu, como bufanda, na cabeza…Y agora que nun ye necesaria nin nos tresportes públicos…

–Yo, fíu, dígote la verdá, llevo’l mazcaritu por contaminación atmosférica.

–Ah, coño.

–N’Uviéu y en Xixón activóse’l protocolu, sabíaslo, ¿non?

–Meca, nin m’alcordaba. ¡Son tantes allegríes!

–Ya, ya.

–Tuvi más pendiente del "Fevemocho". ¡Esto ye un no parar!

–¿Nun celebres l’antroxu?

–Sí, ho. Pero lo mío ye un antroxu sostenible.

–¿Eh?

–¡El careto de tolos díes!

–Ah.

–Pos, fíu, tienes un cuerpazo increíble.

–Calla, ho.

–De verdá, de superhéroe.

–¿En serio?

–Tienes que saca-y más partíu a esa barriga…

–Quita, quita. Un añu disfraceme de Hulk y paecía un gochu en salsa verde.

–Pos yo taba dando una putivuelta y al vete asusteme.

–¿Ves? El fechu de ser unu mesmu yá asusta a cualquiera.

–Yo véote más guapu qu’un tractor recién pintáu.

–Y sin esforzarme un pijo, ¿oíste?

–Claro, claro. ¡El careto de tolos díes!

–Ye lo que hai, cuca, Antroxu sostenible.

–Anda, Ramonín, vamos pa casa que yá tuvo bien.

–Sí, Merche, les hores que son… ¡Taba prestando, cagonrós!

www.parandoenvillalpando.com

Suscríbete para seguir leyendo