Parando en Villalpando
Cráneo privilegiado
Investigadores reconstruyen el rostro del primer astur
Cráneo privilegiado / Pablo García
–Quier soname.
–Tas fartucu velu, lo que pasa ye que nun te das cuenta.
–Yá, nun sé…
–Sí, home, sí.
–Paezme cara conocida pero agora nun caigo…
–Vivió equí va tiempu.
–¿Fai cuántu?
–Dos mil años.
–Ah, meca. Pos tuvimos que coincidir por coyones.
–Claro, el vien de Teberga.
–¿Teberga?
–Sí, criose allá.
–Depués vino, baxó al pozu, y metióse en…
–¿El SOMA?
–Non, na sima.
–Ah, coño.
–Ahí lu atoparon porque se punxeron a escavar y…
–Probe.
-Una bella persona, ¿oíste? Y finu, eh. Más finu que la pata d’un canariu.
–¿Conocístelu, ho?
–Un rapaz de lo meyor. ¡Craniu privilexáu!
–Sí, bonu, el craniu tienlu bien guapu…
–Y asturianu auténticu, ¡el primeru! ¿oíste? Noblón, noblón.
–Home, namás velu.
–¡Ahí lu tienes! ye lo que ves. A ver, el rapaz tenía sus coses…
–Home, como tol mundu. A mi tocome la primitiva y…
–Jobar, Isaac, nun fales asina de la to muyer.
–Non, home, cuatro perres que me tocaron y gasteles en sidra.
–Él también yera bien sidreru. ¡Dos milenios chumando sidra!
–Tien cara de resacón. En dalgún chigre coincidimos.
–Fijo. ¿Oíste? Yera nómada’l cabrón, un culín equí, otru allá…
–¡Home, siendo ástur…!
–Nel sieglu I, yá sabes: la Ruta de la Seda, la Ruta de la Sidra...
–Y un comerciu bien floreciente, ojo, sin pagar autónomos…
–Uf. Tengo yo sidra na cochera de fai dos mil años, pasa’l tiempu que se mata…
–Yá. Menos mal que la sidra nun se pasa. Esti debía ser de poco comer.
–Y de poco llavase la boca, ¿visti’l sarro de los dientes?
–Diz que paraba muncho en la gruta.
–¿La gruta? Hostia, entós tuvimos que coincidir fijo .
–¿Por?
-Yo en “La Gruta” comí munches bodes, ho.
–Meca, ye verdá. Y yo.
–¿Y este taba casáu?
–Debía tar amontanau con una rapaza…
–¿Entós?
–Yo polo qu’oyí, nun me faigas casu. La xente, ya sabes, ye bien mala…
–¿Pero qué dicen? ¿Yá lo tán criticando?
–Home, claro, siendo de los nuestros…
–¡Qué manía tenemos los asturianos!
–Diz qu’él andaba a peres, que nun s’enteraba de nada…
–La xente, ya sabes, ye bien mala…
www.parandoenvillalpando.com
Suscríbete para seguir leyendo
