–¡Mira qué cuadru!
–¿Qué ye, ho?
–¡Vaya plan!
–¿Por?
–Antes quédabamos pa picar y agora pa "terapizar".
–¿Cómo ye, ho?
–Chuchi siéntese rechazáu, tu te sientes non querida, a mi fáltame espaciu, Tonín ta fatal de l’ansiedá y Mariajo anda col síndrome posvacacional…
–Ye lo que hai, Silvino.
–Esto yá nun ye lo que yera.
–¿Por?
–¡Coime! Pasamos les tardes charrando d’evitar l’apegu o d’atopar mecanismos de afrontamiento.
–Bueno, oye…
–Home, nun me fastidies…
–Yá. Equí’l que non tien un vínculo traumáticu, o un abusu narcisista…
–Yo toi nuna relación tóxica, voi pidir un Biosolán.
–¿Pero non vos dais cunta? Antes dábanos por reírnos, y canturrear…
–Yá. Agora, con tres culetes solo falamos de trabayar.
–¿Trabayar?
–Sí, Lolo, sí. Acabo de xubilame y toi en plenu trabayu emocional.
–Ye lo que hai, Silvino. Tiempos duros.
–Yá nun falamos nin de fútbol.
–Meca, ye verdá.
–Pasamos del tiquitaca a la triangulación narcisista y del doble pivote a la familia disfuncional.
–Qué se-y va facer…
–Díbamos salir meyores y tamos como cencerros.
–¡Home, tampoco ye eso!
–¿Pero nun táis oyendo?
–¿Por?
–Paecemos psicoanalistes lacanianos, Mariajo. Eso ye lo peor.
–¿El qué, ho?
–Falamos toos como si fuéramos psicólogos y nun tenemos nin puta idea.
–Tu fala por ti, guapín, que yo veo muncho tiktok.
–Cada unu tenemos la nuesa avería, fía. Y eses coses hai que hablales.
–D’eso nada. Yo toi como una rosa.
–Sí, ho. ¡Tas guapu! Nun paras de facer "tresferencies".
–¿Yo? Si ta la Caxa cerrá.
–Psicoanalítiques, Lolo, non bancaries. ¡Cuidao, eh, que tou sábese!
–¿El qué, ho?
–Que toos paecemos esconder un trauma, una herida, un abandonu…
–D’esconder nada, guapín. Salimos a tres traumas por cabeza, dieciocho traumas nesta mesa.
–Ensin cuntar chupitos. Y les croquetes son aparte.
–Tu, cuidadín, eh, que tas arrastrando un pixín postraumáticu.
–¿Yo? ¿Pero quién yes tu pa diagnosticame? ¡Mide les palabres!
–¡Madre mío, tamos guapos!
–¿Y la fecha de l’AVE, a lo último yá se sabe?
www.parandoenvillalpando.com
