La pareja híbrida

–¿Qué, Gardenia, cómo lo ves?

–Ai, chica, nun sé. ¿Y si marcha la luz?

–Meyor. Y si él se pon pijo, apágolu yo.

–¿Que qué, ho?

–Que lu desenchufo, y acabóse. ¿Non ye xenial?

–Ai, fía, nun sé. A mi esto de la Inteligencia Artificial…

–Como se nota que nun tuvisti casada con un cabestru… L’el mio Sergio yera más tontu que correr con diarrea. Pero esti…

–La verdá, Luisina, ye que parez buen chaval.

–Ye un benditu: prudente, curiosín y tridimensional.

–¿Da voces, ho?

–Sí, pero ye bien finu, púnxi-y la voz de Sergio.

–¿El to ex?

–Non, coño, de Sergio Dalma. Y toi encantada. ¿Tu sabes lo que ye que te canten balaes ente platu y platu?

–Flipo contigo, Maria Luisa.

–¡La sociedá del futuru, Gardenia! ¿Qué, cómo lo ves?

–Ye una imagen óptica, fía, nun sé qué dicite...

–Tenemos una conexión bien especial.

–Faéis bona pareya, la verdá.

–Híbrida, como los coches.

–¿Qué, ho?

–La pareya híbrida mola más qu’un enlace tradicional. ¡Tienes que ponete al día, Gardenia!

–¡Ai fía nun me da tiempu!

–¿Por?

–Cuando toi adaptándome a la sologamia va Chus Pedro y divórciase de sí mesmu…

–Nun pegaben mucho.

–¡...Y agora tu te casas con un holograma!

–¿Vienes a la boda?

–Ai nun sé, fía, yo…

–¿Nun te gusta la invitación?

–Sí, sí. ¿Pero lo del banquete cómo ye, ho?

–Espicha molecular, pa humanos y humanoides.

–¿Humanoides?

–Claro, boba. La familia del noviu. Son unos cachondos. Yá los verás bailando’l crusaito, el Robocop…

–Flipo, Luisina, de verdá.

–Ye una boda fusión. Tipo espicha, eh. Sidra asgaya y fundir…

–¿Fundir qué, ho?

–Lo humano colo dixital.

–Hostia, pos yo tengo intolerancia al glutén.

–Yá lo sé, ho. Pa ti un poco de salpicón y comida molecular.

–Jobar, María Luisa, y eso que yeres la más tonta de la clase.

–Espabilé muncho, boba. A mi esti nun me va poner los cuernos como l’otru cabrón.

–¿Por?

–Esti noviu solo reconoz mi voz.

www.maxirodriguez.net