Opinión | Parando en Villalpando
Suso y la sinestesia
Esa magia del alumbrado navideño
Suso y la sinestesia / Pablo García
–Agora sí, amigu.
–¿Eh?
–Esto ye otra cosa, nun me digas que non.
–¿Que qué, ho?
–Yá lo veo tou d’otra manera.
–¿Por?
–Llámame gilipollas, pero a mí fáenme feliz les lluces de Navidá.
–¡¡¡Gilipollas!!!
–Vaya, ho.
–¿Qué quies que te diga? Menuda cara de oveya que se te queda.
–Normal. Estes lluces güelen a Navidá.
–¿Sí, ho? ¡Pos a mí nun me güelen a na!
–Les bombilles, Josinacio, güelen a alcordances de tiempos felices.
–¿Pero qué mierda ye esa?
–Una sinestesia.
–¿Qué, ho?
-Una figura retórica que combina sensaciones. La vista y l’olfatu, por casu.
–¡Qué colgáu tas, Suso!
–¡Uf! Les tos palabres saben a hiel. Meca, otra sinestesia, ¿ves?
–¿Que qué, ho?
–Mezcla l’oyíu col gustu.
–Nun me toques les narices, Suso. ¡Non te pongas estupendu!
–Les lluces decoratives ameyoren el bienestar emocional.
–Sí, ho…
–Ta estudiao. Al ser humano gústa-y la lluz, Josín.
–Fala por ti, Susín.
–Un ambiente iluminao allegra a munches más persones de les qu’atristaya.
–Así nos va.
–Una mañana soleyera alza l’espíritu muncho más qu’un día plomizu.
–Yá. Pero agora ye de nueche.
–¿Y qué? ¿Qué te molesten les lluces?
–Cada vez les prenden antes, cojona, y cada vez más…
–¿Más qué?
–Contaminación lumínica, enerxía desperdiciada…
–Nun sías rompecojones, Josinacio.
–¡Cuéstennos un pastizal!
–¿Y qué? ¡Güelen a Navidá!
–Anda, Susín, vete a…
–Esti alumbaro refuerza la conexión emocional.
–¿La qué, ho?
–Dempués del argayu, Jose, la xente necesita conectar.
–A mí tou esto prendíu ponme de mala hostia. ¡Cagonrós!
–¡Puf! La to voz güel a desesperación.
–¿Cómo ye, ho?
–Otra sinestesia, ¿ves?
–¿Eh?
–Mezcla l’oyíu col olfatu, ¿vas pillándolo?
–Lo que toi pillando ye un mosqueo..
–¡Güel, Josinacio! ¡Tu güel!
–Qué barbaridá...
–¡Dexa de quexate, tío, y güel la Navidá!
www.maxirodriguez.net
- Atropello en Oviedo: el conductor que arrolló a tres menores de edad tras subirse a la acera da negativo en el control de alcoholemia
- El solidario gesto de Manu tras ganar el bote de Paspalabra: a esta va a destinar el millón de euros
- Los pensionistas ganan tras el error en la devoluciones del IRPF: los que van a recibir más de 2.000 euros en muchos casos
- Sorpresa en el personal del hospital de Cabueñes: 'No teníamos conocimiento de nada
- Un fallo de la Agencia Tributaria hará que muchos jubilados cobren hasta 4.000 euros como compensación: serán estos
- Nefastas noticias para Gijón: el Principado paraliza la obra de ampliación del Hospital de Cabueñes
- Hablan los testigos del atropello a tres menores de edad cuando iban al instituto en Oviedo: 'Fue una escena dantesca, pensé que había habido una masacre
- El sencillo truco para saber si una llamada es spam y no caer en estafas
