Blues de Navidad

-¿Y esa cara de fedor?

-Déxame, Conchi.

-¡Venga, Nando, fai’l favor!

-¿Pero tú sabes lo que se nos vien encima?

-¿Qué, ho?

-Cenes, comíes, compres, bronques, compromisos… Toi agotáu.

-Pero si todavía non…

-Yá, pero solo de pensalo… Tengo una intranquilidá…

-Vaya, ho.

-¿Quies creer que me duel tol cuerpu?

-Claro, porque atropes muncha tensión.

-Voi cagame nes campanes, el burrito sabanero y la madre que los parió.

-Anda, vístite y ven conmigo…

-Sí, ho. Pa ver escaparates toi yo.

-Sal, Nando, que te d’un pocu l’aire.

-Tengo fiebruca y ta xelando, ¿quies matame?

-Tú lo que tienes ye’l periodo, como yo.

-¿El qué, ho?

-El ciclo circadiano. Como los díes son más cortos y les noches…

-Nun digas pijadas, Conchitina. ¡Les puñeteres navidaes!

-Anímate, vida, que tas más murniu que Bambi nel día de la madre.

-En Nochebuena, ¿vienen ellos o vamos nosotros?

-Qué más da. Total...

-Si vien unu la otra nun vien, si vamos a casa de tu madre enfádase la mía, si la tu cuñada trai a la cría engárrase cola nuestra…

-Nando.

-...Si to padre supiera lo que diz d’él la to hermana diría-y a ella a la cara lo que piensa su madre y por qué nun se hablen…

-Nando, por favor.

-...Si vienen los tos primos van a chivarse de que toi nel paro y voi acabar cascando que’l fíu métese de too y ye un joputa de marca mayor…

-¿Quies callar, Fernando? Coime, que me tas estresando.

-Hostia, ¿y cómo crees que toi yo?

-Bueno, hala, acaba’l colacao y ponte "¡Qué bello es vivir!".

-¿Sabes lo peor?

-Que yá te sabes la película de memoria.

-La presión social.

-¿Presión de qué, Fernando?

-De tar felices.

-¿Qué, ho?

-Sí. Hala, brindar, tar felices, abrazos paquí y pallá…

-Lo que nun puedes facer ye aislate.

-Pa solu soi buenu.

-Non, Nandín, dígolo bien en serio.

-Toi más quemáu que’l guante d’un bomberu.

-¿Pero por qué, ho? Si todavía non…

-¡Lo que nos vien enriba, Conchitina!

-¿Por qué nun vienes conmigo de tiendes, por qué non te apuntes a les cenes, por qué...?

-¡Puf, lo que nos vien enriba! n

www.maxirodriguez.net

Suscríbete para seguir leyendo