Opinión | PARANDO EN VILLALPANDO
Bienvenido 2025
Vida nueva
Parando en Villalpando: Bienvenido 2025 / LNE
–¿Ónde vas con esi carretillo, Bienvenido?
–Toi faciendo limpieza.
–¿En casa?
–Na mio vida.
–¿Cómo ye, ho?
–Na. Toi desfaciéndome de lo que nun necesito.
–Ah. ¿Y a qué hora quedamos?
–A nenguna.
–¿Entós?
–Siéntolo nel alma, Silvino, pero voi eliminar relaciones tóxiques.
–¿Cómo ye, ho?
–Yes una mala influencia: birras, tute, motos, La Liga Hypermotion…
–¿Que qué, ho?
–Cada nuevu añu, Silvino, simboliza un nuevu amanecer. Y yá valió de pijadas.
–¿Por?
-Hai que olvidar sufrimientos y perseguir nuevos sueños.
–¿Pero qué pienses facer?
–De momento, voi establecer metas realistas.
–¿Cómo ye, ho?
–Apuntame a windsurf, veranear en Salobreña y adentrame nel poliamor.
–¿Pero qué me tas contando, Bienvenido?
–Hai que vivir cada día como si fuera el últimu, Silvino.
–Yá, pero…
–Abrazar, reír, gozar… ¿Quies creer que tengo 68 años y nunca fice un trío?
–¡Coime, yo tampoco!
–¿Ves? Un añu por otru, vas dexándolo, vas dexándolo y…
–Anda, nun digas bobaes. ¿Quiés un pitu?
–¡Qué va, acabóse lo de fumar!
–¿Entós?
–Voi facer de la mi salú una prioridá. Además…
–¿Qué, ho?
–..Toi faciendo sitiu na cochera pa meter una esterilla y facer meditación.
–¿En serio?
–El manejo del estrés ye fundamental pa tener un equilibriu emocional. Aunque primero tengo que sacar la ferramienta.
–¿La fesoria?
–Non. ¡Una agenda! Yá ye hora de gestionar bien el tiempu.
–¿El tiempu?
–Sí, Silvino, sí. Pa organizame, ¿oíste?
–Anda, tira pal chigre. ¡Y paga una botellina!
–Acabose.
–¿Por?
–Toi estableciendo un plan financieru para l’añu nuevu.
–¿Que qué, ho?
–Voi gestionar los gastos de manera responsable. Ni andaricas, ni cacharros, ni patates tres salses.
–¡Mecaaaaa! ¡Tas dejandome fríu, Venido!
–Non dexes nunca de soñar, Silvino.
–¿Qué, ho?
v¿Ves esta tabla de planchar? De xuru, yera una tabla de surf que dexó d’escorrer los sos suaños y consiguió un trabayu aburríu.
–¡Mecaaaa, toi flipando contigo!
–Hai que olvidase del playoff y buscar la felicidá.
–¡Cagontumanto, Bienvenido! ¡Tas tolos años igual! n
- Atropello en Oviedo: el conductor que arrolló a tres menores de edad tras subirse a la acera da negativo en el control de alcoholemia
- El solidario gesto de Manu tras ganar el bote de Paspalabra: a esta va a destinar el millón de euros
- Los pensionistas ganan tras el error en la devoluciones del IRPF: los que van a recibir más de 2.000 euros en muchos casos
- Sorpresa en el personal del hospital de Cabueñes: 'No teníamos conocimiento de nada
- Un fallo de la Agencia Tributaria hará que muchos jubilados cobren hasta 4.000 euros como compensación: serán estos
- Nefastas noticias para Gijón: el Principado paraliza la obra de ampliación del Hospital de Cabueñes
- Hablan los testigos del atropello a tres menores de edad cuando iban al instituto en Oviedo: 'Fue una escena dantesca, pensé que había habido una masacre
- El sencillo truco para saber si una llamada es spam y no caer en estafas
