Opinión | Parando en Villalpando

El síndrome de la vida ocupada

Patologías contemporáneas

Nuevo capítulo de Parando en Villalpando: El síndrome de la vida ocupada

Nuevo capítulo de Parando en Villalpando: El síndrome de la vida ocupada / Pablo García

–¡Gonmimacho, nun llego a todo!

–¿Qué?

–Que nun me da la vida, Martina.

–¿Cómo ye, ho?

–Nun cabe todo en mi agenda.

–Yá tamos…

–¡Uf! Toi a tope.

–Será de rascate los güevos.

–Sí, ho.

–¿Pero qué tienes que facer, Constantino? ¡Si tas jubilau!

–Esperiencies, escapaes, charres, sidreríes, llibros, bronques, plataformes, pel…

–¡Para, para, que paeces un tartamudu en "Pasapalabra"!

–Uf. Esto ye un sinvivir.

–¿Quies parar, Tino?

–Nun puedo.

–Valió. Anda, vete pa la cama.

–Nun puedo.

–¿Qué, ho?

–Quiero dormir más pero nun puedo, quiero tar al día de too y tampoco puedo.

–Deja eso, Constantinín.

–Nun puedo, Marta. Enriba, tengo fame.

–FOMO.

–¿Eh?

–Lo que tienes ye FOMO, Tino.

–¿Y eso qué ye?

–El putu mieu a perdete algo.

–Home, claro, ye que…

–Nun se puede vivir así, Constantinín.

–¿Qué quies que faiga?

–Desconecta eso, cojona. ¡Tas engancháu!

–Hábitos saludables, zascas, cotilleos, les semeyes de la mi prima, la mente y su poder, el colesterol, la macrobiota, l’estrenu de…

–¿Quiés parar d’una puñetera vez?

–¡Meca! ¡La previa del postpartido coincide cola segunda temporada del pilotu de les semifinales de la primer ronda del Benidorm Fest!

–¡Para yá, joder!

–¡Aquí pasa la vida a toa velocidá!

–¿Y qué necesidá…?

–¡Gonmimacho, nun llego a tou! ¡Ye que me pongo malu!

–¿Pero quién te manda?

–¡Hai que tar al día, Marta!

–D’eso nada. Mejor perdete coses y vivir con calma.

–¿Visti lo que dijo esi puntu de Vinicius en respuesta al otru polo de la Caixa cuando lo de Trump y Ana Obregón mentando lo d’Ucrania, Errejón y la vivienda en TikTok?

–¿Qué dices, Constantino? ¡Tas chiflando!

–Pos van cagase, voi opinar.

–¿Qué ye, que tienes qu’opinar de too?

–Home, claro, pa eso tengo móvil.

–¿Cómo ye, ho?

-Si tengo móvil, tengo opinión.

–¡Ay Dios, qué supliciu!

–¡Uf, tengo la vida tan ocupada, cagonrós! n

www.maxirodriguez.net

Tracking Pixel Contents