El bello público

-Menos mal que nun entramos cola película empezada, anda.

-¡Chissst!

-Imagínate tener que pasar a escures por…

-¿Quiés callar, ho?

-Perdona, jobar, ye que me siento raru.

-¿Por?

-Nun sé, toi tan acostumbráu a dicir que "nun veo un pijo"...

-¡Chisst!

-...Cuando se me pon un cabezón delantre…

-¡Calla, ho!

-Jobar, vaya tiempu pa quitar la ropa, eh.

-Febrero, ¿qué quiés?

-Y menos mal que marchó Herminia.

-¿Qué Herminia, la de Lolo?

-No, coño, la borrasca Herminia.

-Ah. Na. El nudismo, Ramón, ye más que quitase la ropa.

-¿Qué, ho?

-Te quites la vergüenza, les capes y les imposiciones que te pesen.

-Yá, home, pero con esti cutu…

-¿Qué dices, Ramonín? ¡Equí tase como Dios!

-Sí, ho. Cola calefacción a tope.

-¿Y qué?

-¡Coime, qu’esto mui ecológico nun ye!

-Home, pero…

-Tamos pidiendo ahorro en calefacción y venimos en pelota al cine.

-¡Chisst!

-No sé, Josemanuel, a mi esto del nudismo social…

-Hai que baltar tabúes, dejase de pijaes.

-Yá, ho.

-Y dar visibilidá a nuestros cuerpos.

-¿Qué necesidá?

-Coime, ye lo que hai. Somos robustos, macizos pero no normativos.

-Yá, home, yá.

-Amás, lo guapo ye que nun va sonar ningún móvil.

-Sí, ho. Tu fíate…

-¿Por?

-¡Estos son capaces de metelu en…!

-¡Chist! ¿Quiés callar, ho?

-A ver, que yo soi naturista, Josemanuel, pero…

-Pos fai como los demás, céntrate en tar n’harmonía cola naturaleza.

-Yá, Josín, pero equí metíos nun veo yo…

-¿Qué ye, nun ves valles, montes, ríos, praos…?

-¿Ónde, ho?

-¡Na película, oveya! Si hasta’l cine llámase Los Prados.

-Meca, ye verdá.

-El desnudo, Ramón, ye l’estáu natural del ser humano.

-Lo peor son les palomites, que yá me van cayendo unes cuantes por…

-Meca, nun les lleves a la boca, ¿oíste?

-Yá me empapicé dos veces, cagonrós.

-¡Puag! Qué tuntu yes, Ramón.

www.maxirodriguez.net