La porra

-¡Venga, Santu, que nun tenemos tola tarde!

-Nun me llames así, Ferino.

-¿Por qué, ho? Toos tamos llamaos a ser Santos.

-¿Quién lo dijo?

-El Papa Francisco.

-Ah. Entós…

-¡Venga, ho! ¡Yá que nun sabes de fútbol, a ver de cardenales!

-¡Buo! Toi duldando ente’l ghanés o’l de Budapest…

-Dempués de trés Papas estranjeros, el ala italiana va meter muncha presión.

-Yá. Parolin, l’italianu, tien 70 y ye de los que se crez na segunda vuelta.

-Pos el de Sri Lanka tien 77 y, a doble partíu, igual lo tien fastidiao…

-¿Andará perhí Florentino?

-¿Qué dices, ho?

-¡Hasta la fumata ye blanca!

-Y espera que nun haya una mano negra, y nun lo digo por Bellingham.

-Si fallé’l derby, ¿cómo voi acertar el cónclave?

-¡Hai más pasta, Santu, apostó tol chigre! ¿Apúntote’l filipín?

-Nun sé. La verdá ye que nesta sidrería trunfé como epidemiólogo, vulcanólogo y Trumpólogo, pero como vaticanista toi dudosu…

-¡El "francisco asiáticu" lu llamen!

-Na. Él tien esperiencia pastoral, pero yo nun soi tan oveya…

-¿Entós qué, ho?

-¡Vaya telar! Diz que l’irlandés ye Stephen Conkarne, el de Rumanía, Andrei Rugá, y per Filipines, Mateo Fritta.

-¿Y? ¿Cuál ye el problema?

-Papa Conkarne, Papa Rugá o Papa Fritta. Yá me dirás…

-¡Ye coña, ho! ¡Decídite yá!

-¡Apúntame Artime!

-¿L’asturianu, ho?

-Sí, el de Lluanco, que creo que ye del Sporting.

-Yá empezamos… ¿Quién lo dijo?

-Que sí, que ye del Sporting, como’l Papa anterior.

-¡Mentira! ¡Bergoglio era de San Lorenzo!

-¡Qué más da! Si quedes na Escalerona, pol muru tienes que pasar.

-¡Qué grandonos sois los del culo moyau! ¡Táis guapos!

-Igual hai sorpresa a última hora, como cuando ganó Grecia la Eurocopa.

-¿Qué quies dicir, un Papa joven, que juegue al FIFA y tenga TikTok?

-O El Burke esi.

-¿Quién, ho?

-L’americanu, ¿oíste?

-¿Papa l’americanu? ¡Calla, ho!

-¿Qué? Al pasu que vamos…

-Ya, dígotelo yo.

-Tal y como se ta poniendo too…

-Pa pa l’americano, Fa fa l’amerciano, güisqui soda y rockenroll.

-¡Anda déja de cantar y págame’l vasu, que la porra pagola yo.

www.maxirodriguez.net

Suscríbete para seguir leyendo