Zumba

–¿D’ónde vienes con esa sudaura, Avelino?

–Vengo de facer lo que fai una abeja nun gimnasio.

–¿El qué, ho?

–¡¡¡Zumbaa!!!

–Meca. ¿Pero eso nun yera un robot aspiradora?

–La zumba ye lo máximo, Tino, toi como si la música siguiera na mio cabeza.

–¿Cuántes botelles lleves?

–Que non, faltosu, que nun bebí nada.

–¿Entós?

-Desque faigo zumba, siéntome otra persona.

–Pos tienes la mesma cara tuntu de siempre.

–Tas tú guapu.

–¿Por?

–Te voi llevar un día y ya vas ver cómo se te quita esa cara d’horru abandonao.

–Lo mío ye el tute, sabeslo tú.

–Qué antiguu yes.

–Soi una persona seria, d’orde, con fundamentu.

–¡Wuaaa! Si me ves bailar delantre de toles muyeres...

–¿Pero en qué momentu decidisti qu’humillate en grupu yera un bon plan?

–Escucha: facer zumba ye lo mejor que me pasó na vida.

–Pos menuda vida de mierda lleves, campeón.

–El baile ye un gimnasio pa la mente, Celestino.

–Sí, ho.

–Estimula la motora.

–¿Qué ye, que bailes en lancha?

–La memoria motora, Tino. Ye brutal.

–Tú sí que yes brutal, que yes más brutu qu’un fervinchu de pan rallao.

–Non, en serio. Aprendes pasos, repites secuencies, te mueves nel espaciu...

–¿Y nun tabes mejor sacando patates?

–¡Quemé 600 caloríes n’una hora!

–¿Y cuántes neurones perdisti?

–Al contrario. Bailar zumba non solo activa’l cuerpu: tamién espierta’l celebru.

–Ah, ¿sí, ho?

–Faes ejercicio, paseslo bomba y, amás mejores la memoria.

–Anda, déjate de rollos.

–Cada pasu que memorizas cola música y cada coreografía que repites fortaleces redes.

–Sí, yá. El feisbu, Instagram…

–Non, coime, ¡les redes neuronales!

–Yes un flipau.

–Mover el cuerpo, Tinín, ejercita la mente. Te vendría genial.

–¿A mí? ¿Por?

-Porque yes más inútil que la bocina d’un avión. Les coses como son.

-¿A quién quiés engañar? ¡Tu vas a tratar de ligar!

-Que non, que yo voi pola salú.

-Sí, ho.

-Sí, señor, pola coordinación, pola alegría interior.

-Habría que vete moviendo’l culo como un aspersor rotu.

-Tu rite, pero cuando teas buscando les llaves del tractor y nun sepas nin pa qué sirven…

-Anda, calla.

-...Yo voi siguir bailando zumba. ¡Zumbaaaaaaaa! n

www.maxirodriguez.net

Suscríbete para seguir leyendo