Opinión
Romeo y Julina
La proximidad del eclipse dispara los planes románticos con vistas al cielo
–Imagínate, Julia…
–¿El qué, ho?
–El cielo oscuro, el silenciu, la luna tapando’l sol, Y tu y yo…
–¿Tu y yo?
–Sí, juntinos, nel to balcón…
–¿Cómo ye, ho?
–El to balcón, Julina, ta bendecíu polos astros, ¡tienes vistes al oeste!
–¡Ay, Romeo…!
–¿Nun te das cuenta? ¡El eclipse ye una señal!
–Dasme mieu.
–¿Por qué? ¿Porque soi un románticu?
–Tienes cara d’ensayar esto delantre del espejo.
–Llevo tantos años intentando que me faigas casu. Y tu: "ya veremos", "otru día", "tengo Pilates"…
–Les separaciones son jodíes, Romeo, pero tienes que pasar el duelu.
–Llevantemos ente los dos un templu del amor, Julina.
–Sí, ho…
–Como’l balcón de Verona, pero equí en Valliniello.
–Asúmelo d’una vez, coño. ¡Conchita marchó con otru! Pero deja de dar la vara a les vecines. ¡Tas obsesionáu!
–¿Qué ye’l sol sin la luna, Julina?
–¿Perdón?
–Dos cuerpos destinaos, pasen años separaos… pero un instante… solo un instante… se alinean perfectamente…
–¿Ves? Viense un fenómenu astronómicu y pienses "igual follo".
–El to balcón, Julina, ye’l meyor puntu d’observación.
–Pos igual lo arriendo, fíjate lo que te digo.
–Desde la mi ventana nun veo nada. El "Maymas", pero poco más.
–Vete a dar un paseín, anda, que quedó bona tarde.
–¿Puedo ser el satélite natural del to sistema?
–¡Mecagonsós! ¿Agora yes poeta, ho?
–Los páxaros callen. Baja la temperatura. La luz desaparez lentamente…
–¡Que falten trés meses pal eclipse, pesáu!
–Cuento los díes pa que se apague’l sol, Julina. Durante un minutu y cuarenta y ocho segundos, tu y yo nel balcón…
–¡Sí, ho! ¡Tas guapu! Aquí te pillo, aquí te mato.
–Hagámoslo agora, Julina.
–¿El qué, Romeo?
–Un simulacro. Tengo gafas homologadas.
–Lo que tienes ye muncha labia.
–Nun sabía cómo declarame y vino la luna a echar un gabitu.
–Córtate un poco, Romeo, que yes la risión de too el barrio.
–L’universu manda señales, Julina, el eclipse unirá nuestros destinos.
–Non te flipes, guapín, en serio te lo digo.
–¡Oh, Julina! ¡Qué privilegiado balcón al oeste posees!
–Y non empieces a falar raro, que llamo a los municipales.
–La luna va cubrir el sol y tu y yo…
–¡Qué labia tienes, castrón! n
www.maxirodriguez.net
Suscríbete para seguir leyendo
- Mañana se esperan colas kilométricas en Lidl para conseguir los potentes auriculares inalámbricos más baratos del mercado: disponibles por menos de 20 euros
- Mañana se esperan colas kilométricas en Lidl para conseguir el potente altavoz inalámbrico más barato del mercado: de estética retro y perfecto para llevar a cualquier parte
- Mañana se esperan colas kilométricas en Lidl para conseguir la cafetera italiana más barata del mercado: disponible por 9,99 euros
- Conmoción en Oviedo por la muerte a los 32 años del empresario Nacho Montes
- Multado con 200 euros por conducir con la baliza v-16 pero no llevar en el maletero el elemento mecánico circular obligatorio en caso de accidente: la Guardia Civil extrema la vigilancia en carretera
- Fallece un hombre de 44 años al precipitarse desde 20 metros en una conocida senda de Oviedo
- Buenas noticas para los conductores con etiqueta B: el Supremo termina con las Zonas Bajas en Emisiones (ZBE)
- Mañana se esperan colas kilométricas en Lidl para conseguir el set de jardín de 4 piezas más barato del mercado: gran comodidad de asiento gracias a la agradable tapicería textil de soporte
