D. B.
El Conceyu de Cangas del Narcea convoca la edición XIII del Concursu de cuentos curtios n'asturianu, que, como cada añu dende la so primer convocatoria, va cuntar con dos categoríes, una n'asturianu estándar y otra n'asturianu occidental, siendo premiada cauna con 500 euros. Nesti concursu van poder participar toles persones mayores de 16 años qu'unvíen una obra inédita con un mínimu de cinco fueyes y un máximu de venti.
El rellatu, qu'ha de ser de temática llibre, tien que presentase nel Serviciu de Normalización L.lingüística de Cangas enantes del 9 d'avientu de 2015.