La Nueva España

La Nueva España

Contenido exclusivo para suscriptores digitales

La visión personal de la mitoloxía de Paco Abril

L'espertu en lliteratura infantil presenta en Xixón "Mitos d'Asturies", una llectura anovada

Cubierta de "Mitos d'Asturies".

Paco Abril acaba de publicar cola editorial Pintar-Pintar "Mitos d'Asturies", onde se fai un repasu a tolos personaxes fantásticos que formen la nuestra mitoloxía. El llibru va presentase na Galería Viki Blanco-L'arte de lo imposible, en Xixón, onde tamién va inaugurase una esposición colos collaxes orixinales que lu ilustren y que son obra del mesmu Paco Abril. L'actu va facese'l vienres 30 d' ochobre a les 20 hores y van intervenir l'autor; el periodista de LA NUEVA ESPAÑA José Luis Argüelles; Ester Sánchez, de Pintar-Pintar; y Viki Blanco, directora xeneral de la galería. Con ilustraciones del mesmu autor y traducíu al asturianu por Armando Miranda Iglesias, "Mitos d'Asturies" supón una visión absolutamente fresca, anovada y bien personal del escritor y espertu en lliteratura infantil Paco Abril. "El cocu, el chupasangres, la santa compaña, l'home del sacu... Mitos d'equí, d'allá y de tolos tiempos. Dende "La Odisea", pasando pel "Lazarillo" hasta llegar a Narnia", indiquen dende la editorial.

Paco Abril, nacíu en Teruel, de familia checa y residente en Xixón, ye miembru de la Rede Internacional de Cuentacuentos y autor d'un garapiellu de llibros infantiles. Ente ellos, "Famosos personajes asturianos de todos los tiempos", "Jovellanos, la aventura de la razón", "La niña de la nube" o "Los dones de los cuentos", que llegó a editase en Llatinoamérica. En 1979 concediéron-y el Primer Premiu Nacional al Meyor Llabor Críticu de Lliteratura Infantil. Foi guionista, director y presentador del programa infantil de TVE-Asturies "El horrio del trasgu". Nel añu 1989 creo'l suplementu infantil "La Oreja Verde", de "La Nueva España" y nel 2013 recibió'l Premiu Elvira Muñiz de promoción de la llectura del Conceyu de Xixón.

Compartir el artículo

stats