El Conceyu de Tinéu, cola ayuda de la Conseyería de Cultura, entama'l XVIII Certame L.literariu "César Feito" dirixíu a los estudiantes del conceyu d'edaes ente 3 y 16 años, que van poder demostrar el so talentu lliterariu participando con un máximu de dos trabayos orixinales escritos n'asturianu que nun pasen de les cinco fueyes d'estensión. Trátase de la decimoctava edición d'esti concursu que s'afitó como ún de los certames pal públicu infantil y xuvenil más prestixosos d'Asturies, con una participación media cercana a los 150 cuentos. Los premios, que se van repartir en tres categoríes distintes, consisten en material bibliográficu y audiovisual en llingua asturiana, tratando asina de dinamizar el sector lliterariu y editorial local. Los trabayos van poder unviase a les Cases de Cultura de Navelgas o Tinéu hasta'l 18 de payares.
La gala d'entrega de los premios va celebrase'l día 3 d'avientu nel Cine Marvi de Tinéu, a la que van dir unos 200 escolares de tolos centros educativos del conceyu. Como peculiaridá, hai que reseñar que son los mesmos neños son los que van dirixir y presenten la gala, al empar que van representar distintes actuaciones teatrales y musicales. Per segundu añu consecutivu, el Conceyu de Tinéu fixo estensiva la participación a un conceyu invitáu, nesti casu, al Conceyu d'Ayande. Por eso, tolos alumnos matriculaos en llingua asturiana de los centros educativos ayandeses van poder concursar xunto los alumnos tinetenses.
