Espadaña ensin campanes,
que los díes quixeren repicar
con azules y buxos
nes albes de soles y d'orbayos.
Puertes pa piesllar el tiempu
y arcos d'anchu pasu pal
vuelu enriador del esperteyu.
Los canecinos guarien
llargateses de plata tremadora,
xugadores colos gurriones y la edra...
La ventana'l ríu
rompiérenla dafechu
los trenes y los coches.
Queda la mar cambiante
allargando sos llendes
pa ofreceti nes foles
los sones apropiaos.
Queden pervieyes castañares,
monasterios de páxaros perdíos,
que nos vieren miranos
nes azules tardis de les músiques.
Pablo Ardisana.