Los ritos nes sociedades tradicionales respueden, evidentemente, a delles necesidaes agroalimentaries o, si se quier, económiques. Pero ún sospecha qu'a la fin el so llabor más importante ye dividir el tiempu'. Rexistrar el so pasu y situanos dientro d'él.
Ye por eso que son importantes talleres como'l desendolcáu pol colexu públicu Xovellanos de Panes, onde los escolinos de llingua asturiana de tola educación primaria, col so mayestru Carlos Viña, deprendienon el complexu y divertíu procesu de la esfoyaza del maíz: esfoyaron panoyes, enrestraron una "lleza" (según mos cuenta Viña, pallabra patrimonial d'El Valle Bah.u de Peñamellera) y esbillaron el maíz.
Col maíz qu'ellos mesmos escoyeron fixéronse tortos y hebo llugar un amagüestu col que collaboraron entidaes como'l Chigre-tienda El Resbalón, Quesos Monje o Miel de Peñamellera.
Ye difícil pensar un día más serondiegu pa los críos, y de xuru que los escolinos yá son a comprender daqué meyor el tiempu nel que tamos somorguiaos.
