Hoy, xueves, va tener llugar nel xixonés Muséu del Pueblu d'Asturies la decimosesta edición de los Alcuentros cola Mocedá qu'entama la Oficina de Normalización Llingüística de Xixón.
Esta iniciativa, que xurdió yá hai 16 años, tien como oxetivu sacar a los escolinos de Secundaria d'asturianu del conceyu de Xixón del aula pa crear una conexón cola so llingua aculló del mundu académicu.
L'alcuentru va guardar rellación col tema principal de la Selmana de les Lletres Asturianes, la música, anque'l formatu del alcuentru quier ser una sorpriesa pa la reciella.
Sicasí, tendrá de xuru un calter lúdicu-pedagóxicu, como asocedió notres ediciones colos talleres de rap o de fotografía.
