El pasáu llunes 29 d'abril tuvo llugar nel Auditoriu de la Pola Siero la presentación del CD de "El mio cantar", el concursu qu'entamanon los servicios de normalización de toda Asturies colos escolinos d'asturianu, nun exerciciu bien guapu de tresversalidá alministrativa (interveníen dellos conceyos) ya disciplinaria (diba dende la música a la llingua, pasando pela lliteratura).
La mecánica del concursu foi la siguiente: los rapacinos participantes escribieren un cantar, y depués los 6 cantares ganadores fuenon grabaos por grupos profesionales. El llunes presentábase el CD resultante en Pola Siero: abrióse la gala col folk de Corquiéu versionando "Murniu cantar", la pieza ganadora del concursu en Siero, colos neños escritores dell tema; L-R versionó'l cantar del CRA Cibea de Cangas del Narcea; la rapera Guaja D versionó "Sé esnalar", el cantar de Llanera foi versionáu pol grupu Llibre?
L'actu remató cola la entrega de premios, col consiguiente nerviosismu pela parte de los neños, qu'a la fin fonon los protagonistes de la velada.
