La empresa Acuto Xuegos, que cola so nacencia quier ximelgar el mundu de los xuegos na llingua de nueso, ta acabante de presentar nes sos redes "Ayalgues Asturianes". Esti puzzle cunta con 48 pieces y, con elles, los rapacinos y los adultos -porque ye, como ellos dicen, un xuegu pa toles edaes- van ser quien a formar un guapu mapa d'Asturies con tolos topónimos de pueblos, villes y ciudaes puestos na so forma correcta.
Amás, esti mapa inclúi delles ayalgues del patrimoniu asturianu: animales como la ballena, el faisán, el calamar xigante o l'osu; construcciones como l'horru, el cabazo o'l teitu; formaciones xeolóxiques como el Picu Urriellu o Peña Ubiña?
El mapa va poder topase mesmo nes sos redes habituales qu'en mercaos o tiendes físiques como la Llibrería Elías d'Uviéu o la copistería La Semeya de Noreña.
