La Nueva España

La Nueva España

Contenido exclusivo para suscriptores digitales

Microrrelatos

En el marco de la celebración de la Selmana de les Lletres, la Sala Borrón acogió en la tarde noche del martes la quinta edición del concurso de microrrelatos improvisados en asturiano

Nes últimes

Gonzalo Llamedo Pandiella

Dacuando veo muertos. De fame. En Mercadona. Apaecen a les nueve cuando me toca facer caxa y zarrar sola. Y muévense como la yedra, esguilando pelos estantes, garrando la fruta podre pa poder llevar a casa les migayes d'una vida que diba ser plena y qu'agora mesmo ta n'oferta.

El pasaxer

Inaciu Galán

Garró un taxi y dio les señes del destín con priesa. El taxista, sorprendíu pola situación, entainó peles cais vacies de la ciudá decatándose d ela presión qu'exercíen los xestos de nerviosismu del pasaxeru, que diben in crescendo según avanzaba'l viaxe.

A mediu camín el veceru paeció alloquecer y repetía una fras ensin sentíu con un tonu tenbrosu, solombriegu y xuxuriando: dacuando veo muertos, dacuando veo muertos, dacuando veo muertos€

El taxiasta nun sabía qué dicir y asustáu aceleró buscando rematar rápido'l serviciu. Al llegar a les señes indicaes el neñu baxó del taxi. El taxista nun quixo cobra-y por quitalu d'enriba, y el neñu empobinó hacia un lloca onde lletreru anunciaba: Casting pal musical de la película El sestu sentíu.

Fueyes vives

Pelayo Martínez Olay

Un ruíu ruempe los mios suaños y faime fuxir d'una velea. Separto les pestañes, abro los güeyos. Espierto entós nel mio cuartu, cola primer lluz de la mañana entrando pela mio ventana. Véome soli, anque sé bien que nun lo toi. Decenes, cientos, quiciás hasta más de mil tán ehí conmigo. Siéntome a reflexonar, pienso en toos ellos. Dalgunos aportaron tarde a la mio vida, pero los más d'ellos formaben parte d'esti mundu muncho enantes del día de la mio nacencia. Decátome de que, por mor d'estos llibros, dacuando veo muertos, y apaez na mio mente'l rostru d'aquel xeneral cartaxinés que nun foi a salir d'Hispania. Por mor d'estos llibros, dacuando viaxo a esi otru mundu del que naide nun torna.

Compartir el artículo

stats