Trabe publica la versión n'asturianu de 'Los amigos de Bernhard'
Ediciones Trabe publicó la versión n'asturianu de 'Los amigos de Bernhard', novela escrita orixinalmente n'alemán pola suiza Annemarie Schawarzenbach y qu'agora se pue lleer nel nuestru idioma gracies a la traductora María García Díaz.
La obra centrase nun grupu de xente mozo y guapo que s'empobina per un camín que nun ye'l pensáu poles families. Según indicaron dende la editorial, "mocedá y esperanza van de la mano nutriéndose coles emociones, xugando coles ambigüedaes sexuales, preparándose pa cualquier aventura increíble y faciendo proyectos valientes y desenfrenaos, porque nun viven nel mundu bucólicu de Heidi, viven una vida que ye una gran pregunta y a la que respuenden con impaciencia y tresgresión".
Annemarie Schwarzenbach (Zúrich, 1908-Sils, 1942) foi autora de reportaxes, noveles, cuentos y poemes que fixeron d'ella l'autora suiza del so tiempu que más sonadía algamó. Col tiempu, convirtióse nuna escritora de cultu y un símbolu de llibertá sexual.
Más en N'asturianu
-
Lluz verde por que nueves plantes eléctriques usen el nuedu de la térmica de Lada
-
Los xixoneses Ora Labora Studio presenten la so obra gráfica na galería 451 d'Uviéu
-
El Jerte d'Asturies: la Comarca de la Sidra celebra l'espectacular floriamientu de los mazanales
-
Otra multinacional axúntase a la carrera por instalar almacenes d'enerxía n'Asturies