Pa besate quixera
dalgunos güecos cúmplices,
fechos de pulsu bien tresnáu
por quien trabaya madera,
fierru, formigón? namoradamente.
Alza volúmenes, espacios, xuegos
de xeometríes sonámbules, onde
se contien vientos, agües, lluces,
falampos? y caltién tremos
quietu d'esquines como sollertes ales.
Pa besate quixera que tuvieses aquí
con venti años, y que Chillida nos dexara
les sos manes pa escondenos
n'esculpíos suaños, muy a soles.