Nació en 1855 nel barriu de La Oliva de Villaviciosa, fue fíu de Tomás García-Ciaño y la llastrina Paulina del Canto, que morrería en Cuba a los 83 años. Fizo estudios primarios na Villa y de bachillerato en Valdediós. Marchó a Cuba en 1882, acompañando a la so hermana María Teresa, nel vapor Xixón, que naufragó fatalmente durante la singladura oceánica pudiendo salvase tou'l pasaxe. En Cuba la so hermana fizo llabores de prensa brevemente, pues morrió nueve meses dempués de fiebre mariella o vómitu negru. Tenía 28 años, y taba casada col que sería director del «Diario de la Marina», Nicolás Rivero, natural de Les Caleyes (Villaviciosa), col que contraxo núpcies por poderes.

Fue la primer decepción, ente les munches que recibiría; a la isla caribeña llegaren seis hermanos -de trece que tuvo-: Francisco, Félix, Pedro José, María Teresa, Álvaro y Paulina. Varios d'ellos realizaron llabores d'escritor. Carlos Ciaño fízose periodista xunto a Nicolás Rivero, yera la dómina radical de periódicos como El Rayo, y otres esperiencies difíciles que terminarín col estrañamientu de Nicolás. Pero tamién hubo bonos tiempos, como la etapa de «El Eco de Covadonga», que tuvo bona acoyida ente los emigrantes.

Instalóse en Puentes Grandes, al llau de L'Habana, nun barriu dividíu en dos: la mitada de Marianao y la otra mitada de Playa. So casona colonial atopábase nel númberu dos de la cai Herrera, faciéndose con tola mazana. Anguañu tou sigue igual, aunque un pocu más deterioráu. La carretera separa la cuadra de la Papelera Cubana, nel ríu Amendares, fundada a finales del s. XIX por asturianos, y que sigue furrulando nel mesmu llugar. Mui cerca d'ellí creáronse dos emblemátiques fábriques cerveceres fai más de cien años: La Tropical y La Polar. Ellí ficiéronse la mayor parte de les celebraciones de la comunidá asturiana.

Ciaño casóse tardíamente con la criolla Angélina Pérez de la Peña, cola que tuvo dos fíos: Carlos y Álvaro, que ya nun viven, y el so nietu Carlos Ciaño Zabetti, que tien anguañu 71 años y vive nel elegante repartu Kolhy de la capital. Él no conoció al so güelu, pero si a la güela. Apenes-y queden recuerdu el llibru Costumbres y tradiciones asturianas. Carlos Ciaños dexó d'esistir el 25 de marzu de 1925, tres sufrir una dolencia cardiaca. Hasta'l final seguiría escribiendo nel Diariu la Marina les sos collaboraciones, pero nun salía cásique de casa. El peridista Ramón A. Catalá, escribió nel momentu del fallecimientu: «La muerte del poeta Carlos Ciaño evoca tou un fecundu y llargu periodu de vida periodística y lliteraria de Cuba. (...) Home caballerosu, de talentu, de non escasa cultura, abrióse pasu ente nós como perodista profesional, por cuya carrera sintió siempre irrevocable vocación».

En Cuba escribió seis llibros; el primeru fue «Tipos y topos· (1886), recueye 220 opinones sobre otros tantos personaxes, pertenecientes a la política, la xudicatura, la empresa, el cleru, la emigración y la intelectualidá de la época. En 1888 publica «Cantares», un volume con más d'un centenar de canciones. En 1893 ve la lluz el famosu Castillo de Yuros, estructurada en 62 décimes, que recibi tou tipu de crítiques: a favor y en contra, la más crítica la de Franciso Coronado, que demuestra ser un gran llector pero incurre fatalmente nos prexuicios y nes cuestiones personales qu'invaliden les sos opiniones.

«De Asturias» (1900), ye un llibru a dos manes fechu por Carlos y Álvaro Ciaño. Tratase d'un material recoyíu na época maliayesa. Son cuentos de tradición oral escritos en bable o billingüe. Fue importante l'aparición de «Los Argonautas» (1924), del caraviense José María Uncal, dedicada a los nomes españoles na isla y Costumbres y tradiciones asturianas (1925), que ye una obra confeccionada dempués de muertu Ciaño polos sos amigos; hai una parte de poemes y otra d'artículos mayormente sobre la Selmana Santa.

En 1901 estrena la obra «Los saltimbanquis» con gran ésitu y el apoyu decidíu d'Ignacio Cervantes que punxo la música, un de los compositores importantes de la historia de Cuba. «La vieja historia», publicóse en 1909, el añu de ser representada pola compañía de Enrique Borrás nel Teatru Tacón. El teatru cimeru naquella dómina en L'Habana. Ye una obra mui bien representada pola compañía Borras, col efectu dinamizador de la artista Evangelina Adams.