Manifiesto "Ganar Asturies"

Texto completo y firmantes del frente de izquierdas

18.12.2015 | 11:50

"GANAR ASTURIES (32+0/4)"

"N'escasos díes tamos convocaes y convocaos a participar nunes trascendentales elecciones xenerales que tendríen de tresformar el mapa políticu español, y consiguir abrir el mayor resquiebru posible nun sistema caducu que se demuestra inservible pa garantizar una verdadera democracia al serviciu de la ciudadanía y non de los grupos de poder. Procesu electoral que, na nuesa opinión, tendría de sirvir tamién pa empecipiar un seriu procesu de reflexón que dende la ilusión y l'esperanza sía capaz d'articular un proyectu ganador nesta Asturies nuesa.

Munches coses pasaron n´Asturies dende la constitución d'aquella Xunta Xeneral derivada del procesu electoral de mayu de 1983 nel que la ciudadanía asturiana participó, per primer vegada, nunes elecciones pa escoyer el so propiu parlamentu autonómicu; pero l'actual realidá social y política de la nuesa Comunidá Autónoma esta marcada pola dinámica alloriada de selvaxes retayos llevada a cabu pol PP y el PSOE que dexa en papel moyáu los derechos sociales recoyíos na Constitución Española, corrupción y males práctiques públiques, vaciamiento democráticu y sumisión del bipartidismu y les dereches perifériques a los poderes económicos y financieros; tou ello radicalmente cuestionao poles persones nes places y cais dende'l 15M. Fola d'indignación que evidenció la necesidá d'entamar un procesu de rotura democrática qu'acabara colos hipócrites "consensos" del réxime del 78.

Abultamos qu'esto pasa por asumir a Asturies como suxetu políticu que ye capaz de desenvolver la so propia estratexa de construcción política y social, y que debería estructurarse a partir de los siguientes elementos básicos:

- Tresformar radicalmente'l nuesu modelu democráticu avanzando escontra una democracia participativa qu'arrampuñe a les instituciones el monopoliu de la política, y romper d'esta manera'l paradigma básicu del estatus surdíu nel Estáu Español nel añu 1978. Abrir un procesu constituyente qu'estableza métodos d'intervención directa de les persones nes decisiones polítiques y qu'amás garantice la pluralidá nes instituciones por aciu formules electorales realmente proporcionales y representatives.

- Romper el candáu impuestu pola FSA-PSOE tres estos casi 32 años de monopolización del poder en Asturies. Abrir un procesu constituyente en Asturies esixe osixenar la política asturiana acabando coles práutiques caciquiles y provincianes; creenos que somos un pueblu capaz de construyir un futuru d'igualdá y xusticia, lo qu'esixe ampliar el nuesu autogobiernu, superar el bipartidismu y asumir que sostener institucionalmente a la FSA ye incompatible col cambéu y la rotura democrática.

- Enchir a la llamada clase política dende la ciudadanía, abriendo les instituciones y poniéndoles al serviciu de la mayoría social. Ello esixe empoderar a la ciudadanía, reforzar l'autonomía y fortaleza de los movimientos sociales y afitar fuerces polítiques rupturistes coherentes, lo que, ente otres coses, implica centrar l'aición política no social y non no institucional, desprofesionalizar y evitar la eternización y acumuladura de cargos, nun depender financieramente de les entidaes bancaries o establecer toma de decisiones y elección de persones mediantes mecanismos horizontales y abiertos.

- Usar el poder publico pa poner la economía al serviciu de les persones y non de les élites, asegurando la sostenibilidá social y ambiental del nuesu territoriu y ciudadanía.

Por ello les elecciones d'avientu tienen que, amás d'aniciar un procesu constituyente n'Estáu Español, abrir la puerta a una Asturies que crea en si mesma, y suañe cola igualdá y xusticia social como principios inherentes a la so construcción como suxetu políticu.


Tres 32 años de soportar a les Villa, Javier Fernández, Gabino de Lorenzo, Areces, Cascos y compañía, el 20 d'avientu tien d´empezar la cuenta trás pa GANAR ASTURIES, xenerando una marea ciudadana, que sume a les fuerces polítiques y movimientos del cambéu, p'asegurar que les próximes elecciones autonómiques unvíen a la oposición a la clase política del réxime.


Firmantes:


Marcos Muñiz Torre

Andrés Fernández

Estefanía Torres Martínez

Nacho González

Xana Reyes Fernández

Gerardo Iglesias

Jara González Villanueva

Gumersindo Rubín

Paula Valero Sáez

Xuacu Rodríguez

Lluís Miguel Orviz

Amalia Maceda Rubio

Francisco García Valledor

Francisco Prado Alberdi

Nuria Rodríguez López,

María Fernández López

Elías Rodríguez Lozano

Isabel Tuñón

Luis Baragaño

Nuria Saavedra

Xune Elipe

Berto Barredo

Mª Covadonga Colubi Cervero

Eva del Fresno

Constantito Hevia Coto

Cesar B. Arias

Alfredo G. Arango

Xuanca Suarez García

Pablo Testa

Belén Iglesias

Eduardo Campomanes.

Compartir en Twitter
Compartir en Facebook
Enlaces recomendados: Premios Cine