L'IES Avelina Cerra de Ribeseya acoyó, el 13 d'ochobre pasáu, el taller "Tintín nel Congo. Prexuicios culturales, racismu y tópicos locales" a cargu del dibuxante Ruma Barbero. L'actividá formó parte de l'Axenda didáctica que la Conseyería d'Educación ufierta a los centros educativos. Los estudiantes d'asturianu tuvieron la oportunidá de falar sobre los prexuicios qu'estren esti cómic d'Hergé y de ponese ellos mesmos na pelleya d'un debuxante de verdá. El taller principió con una presentación sobre la historia colonial d'El Congo y los mitos racistes vixentes nesi tiempu pa depués dexar que los alumnos tiraren de creatividá y intentaren treslladar a l'actualidá la situación presentada na obra del dibuxante belga.
