La inversión estranxera creció n'Asturies el 80% hasta setiembre

La inversión estranxera n'Asturies xubió entre xineru y setiembre de 2023 a 275,8 millones, lo que supon un amentu del 80% al respeutive del mesmu periodu del añu anterior, según datos del Ministeriu d'Economía y Competitividá publicaos pola Sociedá Asturiana d'Estudios Económicos ya Industriales (Sadei). Esta medría nos nueve primeros meses de 2023 produzse dempués de que la inversión estranxera nel Principáu se disparara en 2022 el 559%, hasta 299,6 millones, la cifra más alta dende 2015. Pela so parte, la inversión asturiana nel estranxeru amenorgó entre xineru y setiembre del añu pasáu'l 55,8%, hasta 792,7 millones. A lo llargo del exerciciu anterior, la inversión asturiana nel estranxeru disparárase'l 127,9%, hasta 2.133,5 millones, el máximu de la serie entamada por Sadei en 1993.