Suscríbete

Contenido exclusivo para suscriptores digitales

Maxi Rodriguez

Parando en Villalpando

Maxi Rodríguez

Paco Pibón

Ataques de belleza en plena pandemia

–¿Guapu tú, ho?

–¡Home, vaaa! ¡Miro nel espeyu y toi de restallu!

–Ye too la mascarilla, Francisco.

–¿Por?

-Cuando la quites y te veas el focicu…

–¡Qué no, coño, que soi un pibón! ¿Qué culpa tengo yo?

–Desengáñate, Paco, tas enfermu.

–¿Yo?

–Sí, yes pibonéxicu. La pibonexia ye una enfermedá como otra cualquiera.

–¿Que qué, ho?

–Ta dándote un ataque de belleza. La puta pandemia…

–¿Qué dices, Amalio?

–Tantos meses con mascarilla y tantu filtro d’Instagram… Garraste una pibonexia de la hostia.

–¿Pero qué me tas contando?

–Veste más guapu de lo que realmente yes.

–¿Tengo yo culpa de ser un pibón, ho? ¡¡¡Perdona, eh!!!

–¿Por?

–Si la belleza ofende, pídote disculpes.

–Yes feu pa perru, Francisco, dígotelo con tol cariño.

–¡Qué mala ye la envidia, Amalín! ¡Date rabiona tener un amigu guapu y listu!

–Na, eso nun pué ser.

-¿El qué?

–Ningún paisano pué ser guapu y listu a la vez.

–¿Por?

–¡Coime, porque sería muyer!

–¡Anda, déjate pijaes! Yo véome tan guapu que, a veces, ofrézcome matrimonio.

–¿Ves? ¿Ves como yes bobu?

–¡Nun me faltes, que te remacho!

–Un añu de pandemia, Francisco, ya ye otra vez primavera. Restricciones, ansiedá, sufrimientu… Ta afectándote a  la cabeza. ¡Nun yes un pibón!

–¿Cómo que no? ¡Diraslo tú!

–Pa tener cuerpazu, hai que curralu.

–¿Qué quiés que vaya al gym como tú? ¡Empezaste güei y tas agotau!

–Ya. Y eso que solo fui a pedir información.

–Yo tengo mi rutina. Amalio. Nun fago sentadillas, soi más de barra.

–Tendrías que facer calestenia.

–¿Pa qué? ¡Ya nun sé qué facer con tanta belleza!

–¿Pero tú viste’l cazu que tienes, ho?

–Siempre fui de barbilla prominente.

–Cuando quites la mascarilla vas flipar.

–¿Por?

–Yes más feu qu’un pie sin uñes.

–Mira, Amalín, nun te doi una hostia porque los guapos tamién tenemos sentimientos…

–Escucha, Francisco…

–Paco, por favor. Paco pibón.

www.parandoenvillalpando.com

Compartir el artículo

stats