Suscríbete La Nueva España

La Nueva España

Contenido exclusivo para suscriptores digitales

Maxi Rodriguez

Parando en Villalpando

Maxi Rodríguez

L’entusiasmu

¿Ye que ya naide va ilusionase?

Pablo García

–¿Qué faes, Chus?

–Entusiasmu, Pachu.

–¿Que qué, ho?

–Ye lo que necesitamos.

–Sí, ho. Tas guapu.

–Vale que les coses tán mal.

–Y tanto.

–Pero cola espiral de pesimismu naide sale del furacu. ¡Anímate, Pachín!

–¿Y si non qué? ¿Vas cantame “ay del chiquirritín”?

–Cántala tu, ¡¡¡haz que brille tu luz!!!

–Jobar, amigo, paeces al alcalde de Vigo.

–Nada pue esperase de quien nun cree en sí mesmu.

–No, si yo en mí sí creo. Pero esti mundu ye un desastre…

–Qué va, ho.

–Home, non. Mira cómo ta tou.

–Hai que tomalo como vien, Pachín. Si nos deprimimos, acaben con nós.

–Tamos toos murnios, los psicólogos nun dan abastu.

–Home, a ver, hai motivos pa enfadase.

–Ya te digo.

–Pero para l’entusiasmu tamién.

–¿Por ejemplo?

–Esto… Yo qué sé.

–¿Ves? Lo tuyo ye un subidón por ganar al Mirandés.

–Nun ye solo eso. ¡Toi triunfando!

–¿Tu? Pero si nun ganes pa hosties.

–Bueno, ¿y qué? Voi d’un fracasu a otro ensin perder l’entusiasmu.

–Yes más raru qu’una culiebra con oreyes.

–¿Por?

–Coime, Chusín, tas paráu, nun tienes na...

–Nun puedes tener tou nesta vida. ¿Ónde lo meteríes?

–¡Meeeee!

–Faime casu, hai que reivindicar l’entusiasmu.

–¿Pero por qué, ho?

–A estes altures, Pachu, ye lo más revolucionario.

–Yo yá tengo percebes nos coyones pa alegrame por pijaes.

–Pon atención nes coses pequeñes.

–¿Los ácaros?

–Los gestos atentos, Pachu, les miraes tiernes…

–¿Tu qué mierda andes fumando?

–Los años arrugan la piel, Pachín, pero renunciar al entusiasmu arruga l’alma.

–Yes más tuntu que mexar contra’l vientu.

–¿Por?

–Dígotelo como lo siento.

–Alégrate, Pachín. La puerta de la felicidá ábrese hacia dentro.

–Sí, ho.

–Lo bueno ta por venir: Mundiales, recibos, estrelles Michelin…

–Tas guapu, Chusín.

–Yo, aunque tea jodíu, pienso ilusioname, mientres pueda decidir cómo vivir.

www.parandoenvillalpando.com

Compartir el artículo

stats