L'home ye l'únicu animal qu'especula dos veces cola mesma piedra.
Tenía mui poca conciencia llingüística, entrugaba que cómo se dicía «fame» n'asturianu.
Contradicciones de la Ñatura: el velenu más mortal llámase «curare».
Yera un estudiante tan malu que lu suspendieron a divinis.
Quien bien te quier fadráte llorar. Imaxínate'l que nun te quier?
Si la lletra tien qu'entrar con sangre, val más ser analfabetu.
Cuando daquién empieza diciendo: «Voi a sete sinceru?» ye que nos quier cuntar una mentira.
Hai que pronunciar bien, nun ye lo mesmo un requexón qu'un requesón. Nin un xaldu, qu'un saldu.
Tenía yá una edá na que nun podía ser nada, esceuto Papa.
La cosa más absurda del mundu ye llamar a un exércitu «Fuerces pa la paz».
Nalgunes finques deberíen poner de lletreru: «Cuidáu, amos sueltos».
Naide ye profeta na so tierra, salvo n'Asturies que los tenemos a fargataes.
Hai santos que fueron mui viaxeros, pero'l que se lleva la palma ye un tal San?sonite.
L'actitú española ante la I+D+i ya quedó clara con Unamuno: «qu'inventen ellos».
Paez que'l Papa quier que vuelva la misa en llatín y d'espaldes al pueblu. Debe ser como los malos ilusionistes: pa que nun-yos garremos el trucu.
