Coincidíen plantegamientos, creyencies -o ausencia d'elles-, idees, pruyimientos, ganes de siguir lluchando por causes que consideramos xustes... pero sobre too, pertenecíamos a la mesma tribu, la del Valle San Xurde. Y, como elli dixo nun alcuentru en Verines va un cuartu sieglu, "fuimos testigos, con unos pocos más, del ocaso de las palabras de nuestra tribu. Rotas y arrojadas al olvido por quienes deberían haberlas conservado en alma creciente y corazón de latidos azules, verdes y platas". L'atapecer de les pallabres y del paisax y de la fauna y de la flora... l'agonía d'una manera d'entender el mundiu, la muerte d'un universu únicu, del paraísu perdíu; a lo postrero, el mesmu de Garcilaso y de Proust, el de toos. El paraísu que modelaba na so poesía. Siempre tevo razón: "nun hai ríu más intensu qu'una llárima" (güei sabémoslo tovía meyor) y "tou lo que non e amor e mercancía". Pablo poeta, Pablo maestru, Pablo amigu. Sib tibi terra levis, Pablo Ardisana.
