"Oru del norte"
Sabe a la tresparencia
De les mañanes,
al paixase que vive
dientro les gaites.
Flui como los ríos,
les catarates.
Ruempe como les foles
de la mar, braves.
Sidra,
lluz de los montes,
ecu de viesques
y pumaraes.
Sidra,
Norte y arume;
beban el néctar
en tolos mapes.
Relluz, relluz y cimbla
Cuando lo escancien,
porque bailla los bailles
qu´equí se baillen.
Porque los nuegos güelos,
cuando suañaben,
escabildaben l´oru
ente mazanes.
Sidra,
lluz de los montes,
ecu de viesques
y pumaraes.
Sidra,
norte y arume;
beban el néctar
en tolos mapes.
Aurelio González Ovies(Febreru, 2019)