Radio del Principáu d'Asturies (RPA) va principiar a emitir dende'l llunes 1 de febreru, a les 23.30 hores --con redifusión el fin de selmana--, l'espaciu 'Al son'. Trátase d'un programa musical dedicáu a la escena asturiana de les últimes décades.

L'espaciu, que va tar presentáu por Xune Elipe, va facer un percorríu selmana a selmana de los movimientos y tendencies que se dieron na música asturiana dende l'añu 1974, fecha del nacimientu del Surdimientu hasta l'actualidá.

Per 'Al son' van pasar dellos de los protagonistes actuales de la escena sonora asturiana y cada capítulu va constar de delles secciones: Sonoteca (hemeroteca sonora onde se recueyen datos, socedíos o fechos relevantes o llamativos de la historia de la música asturiana), Versiones (adaptaciones de temes asturianos por músicos foranos o de pieces non asturianes por músicos del país) y Nomes de la Música Asturiana (ficha sonora sobre les principales figures y bandes de la nuestra música), según informa EUROPA PRESS.