Xurde Menéndez Caravia, discípulu del bioquímicu Carlos López-Otín, tradució al asturianu'l llibru “La vida en cuatro lletres”, la obra qu'Otín publicó en 2019, un ensayu divulgativu “sobre l'orixe de la vida, el xenoma humanu y la llucha por vencer la enfermedá y algamar la felicidá”. Esti volume, editáu por Trabe, contribúi “a asitiar el léxicu científicu na prosa n’asturianu” y ye amás “la primer vegada que se publica un ensayu científicu y divulgativu n’asturianu”. 

Xurde Menéndez Caravia ye biólogu y foi premiu estraordinariu de doctoráu pola Universidá d'Uviéu. Na actualidá trabaya nel Hospital Universitariu William P. Clemens de Dallas, n'Estaos Xuníos. Amás del testu, el llibru cunta coles creaciones de 16 ilustradores asturianos que collaboraron con esta publicación y los sos derechos d'autor van donase a l'Asociación Española contra'l Cáncer d'Asturies.