Iniciativa pol Asturianu denunció l'ausencia del asturianu na cartelería nueva instalada en Llangréu y llamenta que "pretendiendo facer una política turística nun se tenga en cuenta nin se ponga en valor la llingua propia que ye una seña d'identidá del conceyu y d'Asturies".
La organización llamenta que la llingua asturiana nun tenga presencia nestos paneles al mesmu nivel que l'inglés y el castellanu. "Resulta incomprensible que nun conceyu como Llangréu, onde la presencia de la llingua asturiana na sociedá tien una presencia importante, el vecindariu nun pueda averase a conocer la historia del conceyu nel so propiu idioma", apunten dende Iniciativa pol Asturianu.
La entidá reclama tamién la presencia normal del asturianu nes redes sociales del Conceyu y na propia páxina web qu'anque ta preparada pal usu del asturianu apaecen les entraes únicamente en castellanu, según informa EUROPA PRESS.
