L'Academia de la Llingua Asturiana aprobó en sesión estraordinaria proponer como nuevos miembros de la institución al escritor Xandru Martino, que va ser académicu correspondiente, y a la periodista Pilar Rubiera en calidá de miembru d'honor.
Xandru Marín ye escritor en llingua asturiana y destaca poles sos aportaciones en narrativa. Amás, como investigador, destaca'l so trabayu en relación a les adaptaciones funcionales del léxicu del asturianu.
Pilar Rubiera ye una periodista con una llarga trayectoria en prensa escrita. Mientres décades dedicóse a la información cultural nes páxines de LA NUEVA ESPAÑA. L'Academia destaca la so collaboración na proyección pública de la institución.
El nomamientu oficial de los nuevos académicos va tener llugar mientres los actos del “Día de les Lletres Asturianes” que se va celebrar el próximu 7 de mayu nel Teatru Campoamor d'Uviéu.
