El Ministeriu de Política Territorial y Función Pública treslladó a les Comunidaes Autónomes con llingües cooficiales, y a les que tamién tienen llingües minoritaries como Asturies, Aragón y Castiella y Llión, que se va crear un grupu de trabayu pa revisar la normativa vixente y ellaborar un conxuntu de bones práctiques que clarifiquen les “obligaciones” de l'Alministración estatal en relación con esti asuntu.
Esti grupu de trabayu va realizar esti conxuntu de bones práctiques iguando un repositoriu de documentos y normativa actualizada o modelos en llingües oficiales. Estes propuestes d'encamientos recueyen, ente otres coses, la escoyeta y sistematización de les obligaciones de l'Alministración Xeneral en materia de llingües cooficiales. Tamién que los distintos Ministerios formen a los emplegaos nuna mayor concienciación y sensibilización sobre la pluralidá llingüística.
