La Conseyería de Salú del Principáu d'Asturies confirmó 85 casos de COVID-19 en trés díes (vienres, sábadu y domingu) y el fallecimientu d'un home de 84 años el sábadu. Nestos díes produciéronse 22 ingresos en planta y dos n'UCI.
El Principáu realizó nesti periodu 4.765 pruebes y la tasa de positividá ye del 3,76%. Nestos momentos hai 62 pacientes hospitalizaos en planta por covid y otres 21 persones permanecen n'unidaes de cuidaos intensivos. La ocupación total por covid nos hospitales asturianos ye del 2,34% y, nel casu de les UCI, xube al 7,05%.
Per díes, ayeri domingu produciéronse 24 casos de coronavirus con 5 ingresos en planta y nengún n'UCI. Amás, rexistróse un alta hospitalaria.
El sábadu detectáronse 24 positivos y 7 persones ingresaron en planta y dos n'UCI. Amás, rexistróse un alta hospitalaria y el fallecimientu d'un home de 84 años.
Sobre los datos del vienres, diagnosticáronse 37 casos y hubo 10 ingresos en planta y nengún n'UCI. Rexistráronse 6 altes hospitalaries y nengún decesu.
