El pasáu xueves 5 de mayu principió la campaña en 'Verkami' pa sacar alantre'l primer videoxuegu n'asturianu de duración llarga. 'Tiempu de lleendes' va ser un xuegu con combates a turnos al estilu de los de los años noventa.
Amás de tar n'asturianu, según señalen dende Xuegos Thandara, tamién va tener elementos de la mitoloxía, la cultura o l'humor asturianu. 'Tiempu de Lleendes' ye un videoxuegu dirixíu a tolos públicos que pue funcionar tamién pa deprender asturianu.
Nél, va haber qu'ayudar a Xandria, una moza qu'acaba graduase na escuela de maxa, a axuntar un equipu y enfrentase al malváu Zargos, rei del inframundu, enantes de que se faiga col mundu de H.iria.
