El sábadu 2 de xunetu la Plaza La Baragaña de Candás va acoyer una actividá de baille asturianu que quier valir pa recoyer ayuda humanitaria pa los afectaos pola invasión rusa a Ucraína.
La recaudación va dir pa la ONG 'Ayuda Humanitaria para Ucrania desde Asturias' y na actividá van participar los grupos Eva Tejedor y les pandereteres, Calea, Abéu, Grupu Folclóricu Trebeyu, Asociación Cultural Escontra'l Raigañu y Grupu Baille San Félix de Candás.
Esti 'Baille na plaza solidariu' ta entamáu pola asociación San Félix de Candás y va principiar a les 20.00 hores del sábadu 2 de xunetu.
