"Ye una oportunidá p'atopa-yos un nuevu llar. Son clásicos, que pasaron de mano en mano, mui valiosos, d'artistes permportantes". Amador Fernández, de la Galería Cornión, esplica'l motivu pol que decidieron facer una esposición nel so espaciu artísticu y echar la vista atrás. "Propuestes" ye la nueva esposición que se puede ver en Xixón, con una trentena d'obres d'artistes de la talla de Pelayo Ortega, José María Navascúes, Rubio Carmín, Nicanor Piñole, Aurelio Suárez, Trinidad Fernández, Sebastián Miranda, Antonio Suárez o Miguel Galano.
"Son trenta, pero podría haber munches más", destaca Fernández sobre esta propuesta veraniega, na que se busca dar una nueva vida a distintes obres d'arte.
"Una casita na ciudá", de Pelayo Ortega, un dibuxu de técnica mista en tabla, ye una de les pieces que van apaecer, xunto al guache "Desnudo uno", d'Aurelio Suárez. O la semeya de "Naturaleza muerta de carnaval", de Nicanor Piñole, o tamién el "Paisaje minero", de Navascués.
Esta esposición colectiva, con artistes fundamentales del panorama artísticu asturianu del sieglu XX, trai un aire señardosu al branu xixonés. Un paréntesis pa char la vista tras y alicar los estilos que marcaron tendencia.
