La segunda edición del Reguerada Fest va celebrase, finalmente, el segundu fin de selmana d'ochobre
La segunda edición del Reguerada Fest, la feria d'empreses, lliteratura, música, artes visuales y escéniques y gastronomía, va desenvolvese en Candás los díes 13, 14 y 15 d'ochobre y non el 6, 7 y 8, como s'anunciara.
Como na edición anterior, puen participar les empreses qu'usen l'asturianu na so actividá. Amás, d'esta parte espositiva nel Reguerada Fest 2023 va haber talleres, actividaes infantiles, club de llectura, esposiciones d'arte, meses redondes, rutes guiaes, artes escéniques, gastronomía, música, lliteratura o cine.
El Reguerada Fest va celebrase na Antigua Fábrica d'Ortiz en Candás, con actividaes tamién nel Teatru Prendes, el Muséu Antón y la Biblioteca Pública Municipal Carlos González Posada.
La primer fecha anunciada, el 6, 7 y 8 d'ochobre, coincidía col tradicional Día de la Reciella, un eventu anual que pon en primer planu la importancia de la tresmisión interxeneracional de la llingua asturiana y ufierta actividaes n'asturianu gratuites pa tola familia a la llargu de tol día
Temas
Más en N'asturianu
-
El Principáu confirma que trabaya col Institutu Cervantes pa impartir cursos de llingua asturiana nos sos centros internacionales
-
La tonada en discos de 78 r. p. m., na Biblioteca d'Asturies
-
Esta será la nueva "ayalga" del Belles Artes que se va ver n'Avilés
-
La meyor música n'español tien temes asturianos: doce artistes nacionales escueyen los sos cantares favoritos