La muestra escultórica "Shokunin" avera l'arte xaponés a Candás
La esposición, con obra de Pablo Rozada Vena, puede vese nel Muséu Antón hasta marzu
Pablo Rozada, al fondu, con públicu asistente a la esposición. / Elena San Emeterio
"Un xeitu de trabayar ensin tener en cuenta'l tiempu, buscando una perfección que se sabe inalcanzable y procurando contribuyir a la meyora del mundu y la sociedá". Esa ye la filosofía "Shokunin", procedente de Xapón, que titula y vertebra una esposición escultórica que puede visitase, hasta'l 3 de marzu, nel Muséu Antón de Candás.
El so ceador ye Pablo Hugo Rozada Vena, artista escultóricu. "Ye de tradición. Yá dende pequeñín diba al taller col mio padre, Constantino Rozada, y caciplaba con delles ferramientes", cunta l'artista polesu. Dende entós nun dexó d'aprender. "Cuanto más afondo nun tema, más entrugues me surden y más quiero investigar", fae Rozada Vena. Y d'ún d'esos procesos d'aprendizaxe surdió la colección. "Taba dando un cursu de tiestos pa bonsáis y moldes na Escuela de Cerámica d'Avilés, pa lo que tuvi qu'informame y estudiar sobre la cerámica y el so tratamientu nel mundu oriental", diz. Un procesu que lu cautivó polo cenciello, pero minuciosu del mesmu. "Ye un trabayu con poques ferramientes, utilizando sobremanera les manes, que lleva munches hores, anque lo importante ye'l resultáu y que cada pieza ye especial, nun hai dos iguales", esplica emocionáu por ver la so obra espuesta nel muséu candasín. "Enseñar ehí faime muncha ilusión porque ye un espaciu especializáu n'escultura", anque, almite: "esponer ye esponese, dexar que vean parte de ti", un aspeutu que-y resulta "en ciertu mou taquicárdicu". Una oportunidá que-y llega nel trenta aniversariu de magar empezara la so andadura profesional. La muestra, estremada en trés sales, utiliza esos espacios pa crear trés ambientes distintos. La primera, minimalista; "quería asemeyar una casa xaponesa, con poques coses, pero bien dispuestes". La segunda enfocase na naturaleza "col movimientu orgánicu que dan los árboles y el trabayu de la madera". Y la tercera "centrase nel arte xaponés de la cerámica".
El 1 de marzu (18 hores), va moldiar cuandu menos una pieza en directu. "Igual una tetera, un concu o dambos", desvela.
- Media España en alerta por lo que ha dicho la Guardia Civil sobre lo que está pasando con las tarjetas de crédito
- Alejandra Rubio abandona su casa con Carlo Costanzia
- Bruno, feliz ante la reciente noticia del embarazo, confirma en Reacción en cadena cómo se va a llamar el bebé: 'Como tú
- Los 'Mozos de Arousa' se despiden de Telecinco: Mediaset suspende el programa pese a los buenos datos de audiencia
- Suso Álvarez y las razones de su ruptura con Bea Retamal: 'No sabía que se estaba enamorando ni que tenía sentimientos
- Exigen el despido de la azafata de la Ruleta de la Suerte por esto que pasó en directo en el programa de Antena 3
- Duro adiós en la familia de Terelu Campos y Carmen Borrego: las hermanas comparten el dolor en redes sociales
- Belén Esteban confiesa por primera vez los motivos de su ruptura: 'El fallo lo tuve yo
