Fina Dolores Sánchez Buergo, "La Galana", una de les postreres poetes na modalidá oriental del asturianu
La escritora, llabradora y ganadera, de 87 años, fuera homenaxada en 2017 pol Conceyu de Llanes nel Día Internacional de la Muyer
La poeta y escritora llanisca Dolores Sánchez Buergo, "La Galana", finó la selmana pasada, a los 87 años d'edá. Nacida en xineru de 1937 en Piñeres de Pría (Llanes), llabradora, ganadera y poeta, publicó dos poemarios n'asturianu llaniscu, dambos cola editorial Trabe: “Manoyos escoyíos” en 2001, y “Goteras d’orbayu” en 2003.
"La Galana" fuera homenaxada pola Conceyalía de Cultura del Conceyu de Llanes en marzu de 2017, nel marcu de los actos del Día Internacional de la Muyer.
Dolores Sánchez Buergo, "La Galana", que compunxo'l so primer poema con 7 años, ye una de les últimes escritores na modalidá de la zona oriental de la llingua asturiana, la "h.abla". Como escribió Xuan Xosé Sánchez Vicente, la so poesía ye "cronística y descriptiva de mena llocal", lo que nun torga pa que sía "bona y prestosa" y qu'incluya munchos momentos "d'aciertu espresivu y d'emoción".
La poesía de "La Galana" caltria llirismu. Ye un sentíu cantar a Asturies y a lo asturiano, al campu, a lo rural, a lo cotidiano, a los requexos, la mar y los pueblos, al pasáu, a un universu en víes d'estinción. Nos sos versos albídrase la buelga de clásicos, como Ángel de la Moría, Amable González Abín y, sobremanera, José García Peláez, "Pepín de Pría". Aseguraba davezu que l'espíritu de Rosalía de Castro foi de gran inspiración pa ella. Ún de los sos poemes más conocíos ye'l siguiente:
"Goteras d’orbayu"
Coyí las goteras
del suavín orbayu,
juime arrecaldalas
per algún armariu,
xuntelas con rosas
y flores de mayu,
amestadas lluego
con cantares maxos,
pela caleyina
juime retoriando
a coyer cantares
y jueyas del campu,
refranes vieyinos
y poleos guapos
y masalo tou
con gotas d’orbayu.
- Media España en alerta por lo que ha dicho la Guardia Civil sobre lo que está pasando con las tarjetas de crédito
- Alejandra Rubio abandona su casa con Carlo Costanzia
- Bruno, feliz ante la reciente noticia del embarazo, confirma en Reacción en cadena cómo se va a llamar el bebé: 'Como tú
- Los 'Mozos de Arousa' se despiden de Telecinco: Mediaset suspende el programa pese a los buenos datos de audiencia
- Suso Álvarez y las razones de su ruptura con Bea Retamal: 'No sabía que se estaba enamorando ni que tenía sentimientos
- Exigen el despido de la azafata de la Ruleta de la Suerte por esto que pasó en directo en el programa de Antena 3
- Duro adiós en la familia de Terelu Campos y Carmen Borrego: las hermanas comparten el dolor en redes sociales
- Segunda muerte de un joven en Cudillero en una sola tarde: un niño de 10 años en accidente de tractor