Investigación científica d'última xeneración en Villaviciosa: el Serida inaugura un llaboratoriu 5G pal ámbitu agroalimentariu
L'equipamientu permite monitorizar cultivos o ganáu, automatizar procesos de producción o introducir la robótica nos llabores del campu
![Pela izquierda, Begoña López, Borja Sánchez y Mamen Oliván, na visita a les nueves instalaciones.](https://estaticos-cdn.prensaiberica.es/clip/c4970569-0923-44a7-bd51-9e259335298e_16-9-discover-aspect-ratio_default_0.jpg)
Pela izquierda, Begoña López, Borja Sánchez y Mamen Oliván, na visita a les nueves instalaciones. / R. A. G.-O.
El Serviciu Rexonal d'Investigación y Desarrollu Agroalimentariu (Serida) punxo en marcha'l primer llaboratoriu 5G. L'equipamientu, allugáu na sede de Villaviciosa, ta dotáu con una rede propia de datos, mesmo que con una serie de ferramientes que van permitir monitorizar cultivos o ganáu, automatizar procesos de producción o introducir la robótica nos llabores del campu, ente otres cuestiones.
Esta nueva tecnoloxía, espliquen dende'l Principáu, "resulta tan segura y fuerte como les conexones per cable, pero incorpora les ventayes de la rede inalámbrica y una velocidá de tresmisión de datos en tiempu real, ensin apenes llatencia". El llaboratoriu tien, al tiempu, con dispositivos de monitorización, sensorización ya impresión 3D.
D'esta forma, les nueves instalaciones van sirvir, por casu, p'avanzar na agricultura de precisión y probar tecnoloxía aplicada a la detección de plagues, falta de nutrientes, temperatura, mugor, riegu o cualesquier otru parámetru d'interés. "Tamién va poder ser utilizáu como bancu de pruebes pa maquinaria agrícola autónoma, teledetección al traviés de drones, tresmisión d'imaxes n'altu resolvimientu o monitorización del ganáu", amiesten dende'l Serida.
El conseyeru de Ciencia, Borja Sánchez, visitó va unos díes el nuevu equipamientu, acompañáu pola directora del Serida, Mamen Oliván, y la directora xeneral d'Agricultura del Principáu, Begoña López. Tamién tuvo la conceyala de Villaviciosa Rocío Vega.
Sánchez destacó a lo llargo del percorríu la "importancia" de trabayar na I+D+i venceyada a esta nueva tecnoloxía. "Asturies, con estos llaboratorios abiertos, ye pionera na instalación d'equipamientos pensaos pa entamar nueves investigaciones, testar prototipos, captar proyectos ya impulsar consorcios y la collaboración público privao", afirmó'l responsable autonómicu.
El centru de Villaviciosa axúntase asina a la instalación 5G que'l Principáu punxo en marcha apocayá nel edificiu As5Hub del Parque Tecnolóxicu de Xixón, con aplicaciones más amestaes a ensayos de movilidá autónoma. Dambes actuaciones supunxeron una inversión de 682.000 euros.
- Media España en alerta por lo que ha dicho la Guardia Civil sobre lo que está pasando con las tarjetas de crédito
- Alejandra Rubio abandona su casa con Carlo Costanzia
- Bruno, feliz ante la reciente noticia del embarazo, confirma en Reacción en cadena cómo se va a llamar el bebé: 'Como tú
- Los 'Mozos de Arousa' se despiden de Telecinco: Mediaset suspende el programa pese a los buenos datos de audiencia
- Suso Álvarez y las razones de su ruptura con Bea Retamal: 'No sabía que se estaba enamorando ni que tenía sentimientos
- Exigen el despido de la azafata de la Ruleta de la Suerte por esto que pasó en directo en el programa de Antena 3
- Duro adiós en la familia de Terelu Campos y Carmen Borrego: las hermanas comparten el dolor en redes sociales
- Segunda muerte de un joven en Cudillero en una sola tarde: un niño de 10 años en accidente de tractor