Les obres del fornu d'arcu eléctricu d'Arcelor en Xixón van empezar n'abril y van durar añu y mediu
La inversión va superar los 200 millones d'euros y el Principáu yá concedió ayudes d'alredor de 27 millones d'euros
Fornos altos na fábrica d'Arcelor en Veriña (Xixón). / LNE
ArcelorMittal cuenta entamar les obres de construcción del nuevu fornu híbridu d'arcu eléctricu de Xixón el próximu mes d'abril, mentanto sigue en conversaciones col Gobiernu central pa buscar un escenariu de costos enerxéticos que permita la inversión pa la planta de procesu d'amenorgamientu directu de mineral de fierro (DRI). Fontes de la compañía siderúrxica apuntaron que'l proyectu de construcción de l'acería eléctrica yá ta preparáu, que cunta cola autorización medioambiental y que nos próximos díes va solicitase la llicencia d'obra al Conceyu de Xixón coles mires de poder empezar los trabayos n'abril. ArcelorMittal suscribió a finales del pasáu añu un contratu cola empresa vasca d'inxeniería industrial Sarralle pa la construcción del nuevu fornu d'arcu eléctricu na so planta de Xixón con una capacidá de producción anual de 1,1 millones de tonelaes d'aceru.
La inversión va superar los 200 millones d'euros y el Principáu yá concedió ayudes d'alredor de 27 millones d'euros. La nueva instalación forma parte del plan d'ArcelorMittal pa la descarbonización de les sos actividaes n'España. Una vegada que'l nuevu fornu eléctricu tea operativu –previsiblemente nel cuartu trimestre de 2025 porque les obres van durar cuandu menos añu y mediu– la planta de Xixón va tar en disposición de producir aceru con baxes emisiones de carbonu, destináu al sector de productos llargos y, más concretamente, a la fabricación de carril y alambrón. El nuevu fornu híbridu –va consumir un amiestu de chatarra y DRI o arrabiu– va aprovechar instalaciones de l'actual acería de Xixón.
- El Ministerio de Transportes rompe su silencio sobre la polémica prórroga del peaje del Huerna: "Que la expliquen otros
- El hombre del insulto viral ("por siete votos...") a Sánchez en Oviedo se gasta 2.000 euros al mes para protestar contra el Gobierno: "Soy de centro y fui amigo de Abascal, aunque me distancié
- Primera condena a una residente de un geriátrico público asturiano por golpear a una auxiliar: "Os voy a rajar
- Una red de 20 kilómetros de tubos llevará hidrógeno verde desde la central de Aboño a Ardelor y DuPont
- Las Guisanderas reivindican la cocina regional: "Tenemos de todo, pero no sabemos venderlo
- Juristas asturianos rechazan que el Presidente haya sido víctima de "lawfare
- Los decanos de la Universidad de Oviedo ya ponen deberes al rector Villaverde: oferta de empleo, instalaciones, menos papeleo...
- La situación nacional se traslada a un pleno tenso en la Junta del Principado: los reproches cruzados de crispación entre Barbón y Queipo
